Shillong, Naiwieng 16: U myntri rangbah ka jylla mynta ka sngi u la kren shai ba ka Um kan long ka jingeh ha ki por ban sa wan lada ymlah ban iada ia ki tyllong mynta, ia kane yn nym sngewthuh mynta hynrei kan sa jia ha ki snem ban wan.
Haba kren ha ka sngi rakhe ia ka National Press Day, u myntri rangbah ka jylla la iathuh ba ia mynta kila dep ban lap ia ki 5000 tylli ki tyllong um ha ka jylla baroh kawei bad ka sorkar kan ialeh ban iada ia kitei ki tyllong um ba ki long dien kin nym poi ha ka jingeh.
La ong ba ki don 700 tylli ki tyllong um kiba la tyrkhong mynta ha shuwa ban sdang banpyntrei ia ka skhim sam um ki tylli ki tyllong ki don ka um hynrei mynta kila tyrkhong kane kala ktah ia ka jingtreikam jong ka PHE haba pynpoi ia ka um lyngba ka JJM sha ki nongkyndong. Ki jingtrei lam dep hynrei ym lah ban pynpoi um namar la tyrkhong ki tyllong um.
U myntri rangbah la ong ba kam don kata ka jingiatip hapdeng ki tnad sorkar haba ki pyntreikam ia ki skhim, ban wanrah ia ka jingiasngewthuh kawei ka tnad sorkar ia kawei pat la rai ban pynlong ia ka jingialang kaba kyrpang ha kaba baroh ki myntri kabinet kin don lang ki heh ka tnad sorkar kin lang ban ia kren khnang ban sngewthuh ia ka jingtreikam kawei bad kawei ka tnad sorkar.
U la ai nuksa ba ka tnad PHE kala ai jingkhein 700 tylli ki tyllong um kila tyrkhong, hynrei kam don pisa katba ka tnad pynneh bad iada ia ka khyndew ka don ka pisa T. kumba T. 600 klur kam tip ba ka don kum katta ka jingtyrkhong um ki tyllong um dei na kane ba un sa khot ia ka jingialang kaba ar lane lai sngi ha Sohra ban ia kren ia kane.
