Shillong, Kyllalyngkot 06: Mynta ka sngi u Returning Ophisar ba dei peit ia ka elekshon ha ka party BJP ban jied ia ki Mandal President u bah Khrawboklang Basaiawmoit u la pynbna ia ki kyrteng kiba la shah jied kum ki Mandal President.
Ka Parry BJP ha dien ba kala dep ban pynlong ia ka jingpynrung dkhot ha kane ka jylla Meghalata khamtam ha dien ba ka party kala ioh ban bat biang ia ka sorkar ha kaba kala jop ia ka MP elekshon MP 2024, ha kaba u myntri rangbah duh jong ka u la kwah ban pynthymmai ia ka jingpynrung dkhot.
Kane ka jingpynrung kyrteng kum ki dkhot ka BJP ka long kum ka jingpynskehm ia ka jinglong dkhot ha ka party man ka san snem, kumba ka long mynta ki don 12 klur ki dkhot jongka party bad bun lak kiba long kiba trei na ka bynta ka party ia kaba la pynrung ha u snem 2024.
Kumba ka long mynta ka party BJP kala dang kiew bad kiba bun ki paidbah kila wan ban pyniasoh sha ka party la ong u Rikman G Momin President ka BJP Meghalaya State Unit bad mynta ka party kala dang suh thied ha Meghalaya ka don ka jing kyrmen ia ka party ha ki elelction ban dang wan.
Ka party BJP kala pyni da ki nuksa payrhsha ia kiba ia ki khubor lamler kiba la pynbna pyrshah ia ka, ka party ka bat ia ka shynshar paidbah bad kam lah ban pdiang ia kiba ia leh pyrshah bad kane ka jingjied ia ki nongkit kam ka long kaba beit naduh ki Mandal President haduh u National President.
Mynta ka sngi la pynbna ia baroh ki Mandal President kiba dei ha baroh 60 tylli ki Konstitwensi ha ka jylla Meghalaya bad ka elekshon ban jied ia ki nongkit kam la leh katkum ka synshar paidbah, la ong u Sabyasachi Ghose nongkhiot ka State Media Cell BJP, Meghalaya Pradesh.
