Shillong, Kyllalyngkot 08: Ka Khasi Students’ Union Umsning Circle mynta ka 8 tarik kyllalyngkot 2025 ka la ioh ban Pynphai ia ki mynder ki ba thmu ban wan rung beaiñ sha Meghalaya.
Ka KSU Umsning Circle mynta ka step lyngba ka Organising Committee hapoh ka jing ialam u samla Prosper Lyngdoh organising secretary ka umsning, samla Herliroy Suting Vice president ha ryngkat bad ki dkhot ka Umsning Circle ki la ioh ban bad ia ki mynder ki ba la lait tuh na Infiltration check gate kaba don ha Byrnihat.
Hadien ka jingioh jingtip ba tikna na ki nongialam ka seng halor ka jing lait tuh Jong kine ki mynder na ka liang ka KSU Umsning circle ka la ap pyrman ban bat ia ki bad ai jingsneng ia ki ne ki mynder bad hadien la ioh ban pynphai lut noh ia baroh sha ka jaka ka ba ki wan.
Na ka liang ka seng ka ong kaba sngew lyngoh ka long ba kumno kine ki mynder ki ioh ban rung laitluid shane sha ka jylla tang lyngba ka receipt Jong ka KHADC tang ha ka dor kaba 700 tyngka khlem da pyn tikna ia ki ta ki kot ki sla lane ki labour licence kiba biang.
Kumta Kum ka seng kaba ju peit pyrman ia ka jingwan rung kyrthep Jong ki mynder ri hapoh ka jylla khlem kino kino ki kot ki sla kiba biang ka seng ka la maham jur ba lada lap Kan leh ta kaba tyngeh bad ka la maham ruh ia kito ki briew ba ju smat ban wanrah ia ki briew nabar jylla ba ki dei ban pynbiang shuwa ia ki kot ki sla kiba biang lem kumta ka seng Kan shim da sienjam kaba tyngeh.
