Shillong, Kyllalyngkot 08: U myntri ba dei peit ia ka tnad ialehkai u bah Shakliar Warjri mynta ka sngi la ong ba ka sorkar jylla kala dep ban phah da ka jingthoh sha ka sorkar pdeng ban pynlong ia ka 39th National Games ha Meghalaya ha u snem 2027.
Haba kren ha ki lat pathai khubor mynta ka sngi la ong ba dang shen la ioh ban ia kynduh ia u myntri ka tnad ialehkai ka sorkar pdeng haka 20/Nohprah/2024 ha nongbah Delhi ban pynlong ia ka 39th National Games ha Meghalaya ha u snem 2027.
U myntri ka tand ialehkai la ong ba ka sorkar jylla ka leh ban pynlong ia la National Games lada ka sorkar pdeng ka ai ia la lat, la ong ba ka sorkat jylla kan trei shitom ban pynthikna ba ka 39th National Games ha u snem 2027 kan long ha Meghalaya.
Haba dei bad ki jaka ban pynlong ia ki jingialehkai u myntri la ong ba ki jaka ialehkai kila dang mih ha baroh ki Dsitrict ha ka jylla bad lada ai ia ka lat ka jylla kan lah ban pynglong ia ka National Games.
