Shillong, Kyllalyngkot 12: Ka tnad ba peit ia ka bha ka miat jong ki kynthei ka sorkar pdeng kala jied san ngut ki kynthei na kane ka jylla Meghalaya ban ia shim bynta ha ka jingrakhe ia ka Republic Day kaba 76th ka ban ha nongbah Delhi ha ka 26/1/2025.
Kiba la shah jied san ngut ki dei ka Grethilla R. Marak na South Garo Hills, ka kong Bibiana Dkhar bad ka kong Julida Dkhar na East Jaintia Hills, ka samla Darihun Pyngrope na Ri Bhoi District bad ka Wenylia Merceeds D. Sangma na East Garo Hills.
Kine san ngut ki kynthei na kane ka jylla Meghalaya kiba la shah jied ban leit sha katei ka jingiasakhi lang ia ka jingrakhe iaka Republic Day kaba 76th ha nongbah Delhi ka long ka jingktniew ia ki kynthei ha baroh ki liang.
