Shillong, Kyllalyngkot 12: Ka National Youth Day kaba 41, ka jingkynmaw burom ia ka lyngkhuh sngi kha jong u Swami Vivekananda, la rakhe ha Ramakrishna Mission Vivekananda Cultural Centre Shillong mynta ka sngi.
U Swami Hitakamanandaji Maharaj, Secretary, Ramakrishna Mission, Shillong, u a plieia ka jingialang kum u kongsan. Ki kynrem ki lyndanna ka Nehru Yuva Kendra bad kiwei kiwei ki la iadonlang ha kane ka sngi.
La sdang ia ka prokram da ka jingbuhsyntiew ha u dur mot jong u Swami Vivekananda Statue, bud pat sa ka jingthang ia ka sharak bad ka jingpyndonkam ia ka Swadesh Mantra jong u Swami Vivekananda. La don ka jingrwai Khasi kaba sngewtynnad ba la aiti na ka bynta u Swamiji da ki samla pule jong ka Ramakrishna Mission Students’ Home.
Ha ka jingpdiang sngewbha ia ki briew ba shah khot kyrpang, u Swami Vedeshananda, Director, Vivekananda Cultural Centre, u la iasam ia ki khana ba ai mynsiem shaphang ka jingim jong u Swami Vivekananda, ba kynthup ka jingkha ba kyntang jong u, ka jingim jong u kaba bun ki kam, ka por jong u ba u don ha Shillong, bad ka jingieid jong u ia la ki para ri.
U Director u la pynshlur ia ki nongiashim bynta ha kane ka prokram ban peit bniah ia ka jingim bad ki kam jong u Swamiji ban ioh shuh shuh ka jingsngewthuh kaba kham jylliew shaphang ka deiriti jong ka ri bad ka jingiar jong ka, bad ban sdang ia ka jingiaid lynti jong ka jingshemialade.
U Swami Hitakamananda, ha ka jingai jingkren, u la ban jur ia ka jingkongsan ban ‘jingai jinghikai kaba tei ia ki briew bad kaba hikai ia ki ban long ki briew kiba bha’ kumba la thmu da u Swami Vivekananda: “ka jingim kaba im bad ka jingshisha, ka jingkhuid, bad ka jingbymkhwan myntoi.
U la batai shaphang ka jingkren jong u Swami Vivekananda, “Ka jinglong khuid, ka jingiai shah, bad ka jingkut jingmut kilong ki lai tylli kiba kongsan na ka bynta ka jingjop, bad na kane baroh kaba kongsan kadei ka jingieid,” u la ban jur ia ka jingkongsan ban don ia kine ki jinglong ha ka jingim ba man ka sngi. U Swami Hitakamananda u la kyntu ia ki samla ban pdiang ia kine ki jinglong bad bud ia kine ki nuksa bad pyrshang ban trei bha ha baroh ki kam.
Hadien kane ka la don ka prokram deiriti, ba kynthup ia ki prokram na ki samla pule jong ka Sanskriti and Vivekananda Youth Forum. Ka prokram ka kynthup ia ki jingrwai kiba sngewtynnad, ka jingpyni ia ka jingleh yoga, bad ka jingpyni ia ka GeetiAlekhya – ka jingpyniasoh ia ka jingpyni ia ka jingim jong u Swami bad ki surjingrwai kiba sngewtynnad.
La pynkutia ka jingialang da ka jingai jingkren na u DivyaswarupanandajiMaharaj, Assistant Secretary, Ramakrishna Mission Shillong. U la kyntu ia ki samla ban ioh mynsiem na ki ktien bad ki jingai jinghikai jong u Swami Vivekananda bad ban nohsynniang sha ka kam ban tei ia ka ri.
