Shillong Kyllalyngkot 12: Ka KSU Laban Circle ka pynpaw ia ka jingbym lah satia ban pdiang ia ka jingkem bad kynnoh ia ki dkhot ka seng khamtam ia ka jingpynngat MPDA, namar kadei tang ka jingpharep bad ka jingtei pop jubor tang ba ki dei ki dkhot jong ka seng.
Ngi pynrem jur ia kane ka jingleh bad kadei ka jingthombor bad kam shym mut ba tang ba kidei ki dkhot jong ka seng kin shy kylla sohpdung bad shu thep case bapher bapher bad kane ka sa ialam bakla sha kawei pat ka lynti namar la shu kynnoh im im peit peit bad shu kynnoh donkti jubor haba ki dkhot kim don bynta satia ha kita ki kam kiba la shah kynnoh.
Aiu ka sorkar ka leh bad aiu ka tnad pulit ka leh ia ki bar jylla kiba la shah kem na Nongmynsong ryngkat bad ka petrol kiba donkti ha ki jingjia ha ki bynta ka Nongmynsong, namar tang shu iohkem ia ki bar jylla kynjah ki jingjia ha Nongmynsong ter ter, kane ka paw ba dei ma ki kiba donkti bad sa kynnoh ia ki dkhot jong ka seng.
Kaba sngewsih ka long ba ka ain ia ki bar jylla kam treikam hynrei ka treikam tang ia ki trai jylla katta ruh ia ki trai jylla la shu kynnoh bad pharep da ka bor. Kumta ka Circle ka pynrem jur ia kane bad kam lah satia ban pdiang lano lano ruh hynrei kadei tang ka jingkynnoh kaba khlem nongrim.(SP News)
