Shillong, Iaiong 12: U bah Shemphang Lakashiang bad ka kong Deng Lamare kiba don ia ka Laisen Major ban tih mawshuh ha Amlari bad Nongtalang kila phah ia ka jingujor sha u myntri rangbah ka jylla u Conrad K Sangma ia ka jingai shallan mawshuh sha u bah Dainiel Khongsit u bym don ia ka pawmaw ha West Jiantia Hills District.
Ha kane ka jingujor la ki tei ki ar ngut ka long ba kumno la ai ia ki Shallan Mawshun kiba la tip kum “Major Incidental Transport Challan sha u bah Dainiel Khongsit ban shallan mawshun sha Bangladesh 6000 metriktone na kad khaii Dawki kaba hap hapoh jong ka Amlarem Sub Division,
Ha ka jingujor la kdew ba naduh ka 23/Kyllalyngkot/2026 haduh ka taiaw ba nyngkong u bnia Lber 2026 ki nongkhaii na West Jaintia Hills namar ka jingbym don shallan tang ban bteng ka kam kila shim ia ki shallan na East Jaintia Hills da kaba kren shai kane kan long tang shipor.
Ha ka jingujor kaba la phah sha u myntri rangbah la ong ba kam shem don kano kano ka jingai jibit da ki bor ba dei peit ban ai ha u bah Dainiel Khongsit ban ai ia ka shallan Mawshun 6000 Mt, ka jingshisha ka long ba um don par mawshun ha West Jaintia Hills District.
Ha kane ka jingujor la thoh shai ba ki shallan dewi ki shallan dewiong kiba la pynkylla sha ka shallan Mawshun kane ka dei ka jingkylli kaba long pyrshah bad kane ka jingleh kan ktah ia ki briew kiba don ia ki shallan kiba dei na West Jiantia Hills.
Kane ka jingleh kan ktah ia ka jingioh ka sorkar jylla kine ki ar ngut kiba la phah ia ka jingujor ki dawa ban phah tohkit ia kane ka jingai shallan 6000 Mt khlem da don ka paw maw, la kyntu ia u myntri rangbah bal eh ei ei ban ioh ia ka khaii pateng kaba khuid, ia kane ka jingujor la phah ha ka 11/Iaiong/2026 sha u myntri rangbah ka jylla.
