Shillong, Jymmang 29: Mynta ka sngi ka 29/Jymmang/2026 u myntri rangbah ka jylla u Conrad K Sangma ha ka jingiadon lang u symbut myntri rangbah ka jylla u bah Sniawbhalang Dhar kila leit ban ia kynduh ia u myntri rangbah ka jylla Assam u Himanta Bisawa Sarma ha ophis treikam jong u ha Guwahati.
U myntri rangbah ka jylla u la ong ba kane ka jingiakynduh ka long ban ia kren ia kaei kaba jia mynta ka Lapangap ha khappud ka jylla Meghalaya bad ka Assam, kumba la ia tip ha kine ki sngi kiba la dep pyrshang ban ia kren bad kiba don bynta ha kane ka kam ban weng ia kane ka jingeh.
La ong ba kane jingiakren ka long kaba seisoh bad ka don ka jingiasngewthuh lang na ka liang jong ki ophisar ba baroh ar tylli ki jylla, kynthup ia ki ophisar na ki District kiba la don lang ba kin ialeh kumno ban weng ia kane ka jingeh kaba don mynta.
U myntri rangbah ka jylla u kyntu ia baroh ban ia treilang da ka jingiashaniah markylliang ban wat ia ki lat ki lynti ban weng ia kane ka jingeh bad ynda ka sorkar Assam kala don lut ia baroh ki myntri sorkar kin sa bteng biang ia ka jingiakren pynbeit pud.
U myntri rangbah u la kren shai ba kane ka jingiakynduh mynta ka sngi ka dei beit tang bad ka Lapangap bad kyrmen ba kin lah ban pynbeit ia kane ka jingeh bad pan ia ka jingiatreilang na baroh ki liang ha kane ka bynta.
