Shillong, Jymmang 29: U Chief Electoral Officer ka jylla u Dr. B.D.R. Tiwari mynta ka sngi 29/Jylliew/2026 u la khot ia ka jingialang ia ki seng sain pyrthei ban pyntip haba iadei bad ka elekshon ban jied ia u MP sha Rajya Sabha ka ban long ha ka 18/Jylliew/2026 ha iing dorbar thawain ka jylla ha kaba tang ki MLA kiba dei ki nong thep vote.
Ha kane ka jingialang u CEO u la ban jur ia kawei ka phang ba lada ki political party ki pynieng ia u kyrtong ba ioh lehse ki don ki mokotduma kiba dang sah ha iing bishar pyrshah ia u, na ka liang u kyrtong bad kumjuh ka party ka hap ban pynbna ha ki lat pathai khubor lai sien lynter shwa ka sngi ban weng ia ka kyrteng na ka jingiakhun ia ka elekshon.
Haba kren ha ki lat pathai khubor la ong ba ka jinglong nongmihkhmat u MP sha Rajya Sabha na kane ka jylla kan kut ha ka 21/Jylliew/2026 kumta shwa katei ka por ka Election Commission kala pynbna ban pynlong ia ka elekshon ha ka 18/Jylliew/2026.
Ha kane ka jingialang bad ki seng sain pyrthei u CEO u la ong ba u la batai ia ki bynta ba kongsan ha kaba ia dei bad kane ka elekshon MP sha ka Rajya Sabha ha kane ka jingialang la pynshai ia ki jingkylli kiba la kwah ban tip da ki seng sain pyrthei la iathuh ba ym baroh ki political parties kiba la poi sha kane ka jingialang wat la kila pyntip sha baroh ki seng sain pyrthei.
