Shillong, Iaiong 23: Ka National Fisheries Development Board (NFDB) kala pyntip ba kan don ka jingiakynduh lang jong ki nongri dohkha kaba ar sngi ha Guwahati ha ka 12 bad13/ Jylliew/2026 na kane ka Thain shatei Lamihngi ka Ri India, ia kane ka jingiakynduh la ai kyrteng kum ka Aquaex Northeast 2026.
Haba kren ha ki lat pathai khubor mynta ka sngi ha Shillong Press Club u Rajnish Kumar u nongkhot ia ka NFDB la ong ba ka jylla Meghalaya kam pat lah ban pyndap dohkha na lade ka dang hap ban thied na kiwei ki jylla na Andra Pradesh bad Assam.
La ong ba ki briew ha kane ka Thain shatei Lammihngi ka Ri India ki sngewtynnad ban bam ia ki dohkha kiba dang im bad kumba ka long mynta ki jylla kane ka thain 70% ka dohkha ki thied na ka jylla Assam bad ka jylla Meghalaya ruh kum juh.
La ong ba ka jingeh jong ki nongri dohkha ha kane ka thain ka long ba ka dor jingbam ban bsa ia ki dohkha ka rem bha ban ia nujor bad ka jylla Andra Pradesh, ka jinglong ka suin bneng ruh ka ia hap bha ban ri dohkha ha katei ka jylla.
Ka jingiakynduh kaba ar sngi ha Guwahati kan long ka jingkyrkhu ia ki paidbah kane ka thain shatei lam mihngi ka Ri India namar ha kane ka jingiakynduh yn sa pynshai paidbah ba kumno lah ban ioh ia ki jingbam dohkha kiba wan hi na ka mariang da kaba pyndon kam ia ka eit masi.
