Shillong, Jymmang 29: U Superintendent ki Pulit ka East Khasi Hills District la pyntip ba ha ka 25/5/2026 la lap khunlung shynrang bala bret ha phyllaw ka Ganesh Das Hospital Shillong.
Ki briew kiba lap ia u khunlung la pyntip sha Sardar Police Station bad ia ka ejahar la register hapoh katei ka police station pyrshah ia kiba wan bret ia khunlung ha phyllaw katei ka Hospital.
Na ka liang ki Pulit ha dien ba kila pyndep ia ki jingdon kam katkum ka ain la aiti ia khunlung sha ka Specialisation Adoption Agency, Nongthymmai Lumsohphoh.
Na ka liang ki Pulit kila bthah ia ki paidbah ba lada don mano mano ba tip kin phone sha kine ki number 9362321122 ha Pasture best house, 6009196479 hapoh tnad Pulit bad kine number 0364-2222214 bad 0364-2222277.
