Shillong, Jylliew 5: Ka District Disaster Management Authority (DDMA) ka la sdang ban pynlong ia ka mock drill halor u jumai bad ka jingjia ba iadei bad ka jinging ding ha Bethany Hospital ha ka sngi thohdieng, na ka bynta ka jingpyn khreh ia ka jingiada ia ki nongthiah pang bad ki nongtrei kane ka hospital.
La pynlong ia kane ka mock drill na ka bynta ka jingthmu ban test ia ka rukom pyniaid kam ha ka por ba shem lanot, ki lad pynkynriah bad ka jingiatylli bad ka jingpyniaid lang ha ka por ba don ki jingjia lanot.
Kum shi bynta jong ka jingpynkhreh, katei ka prokram ai jinghikai ba la pynlong shi sngi ha ka 4 tarik, Jylliew na ka bynta ka jingioh jingsumar ioh dawai bad ki nongtrei katei ka hospital. Ia katei ka jingai jinghikai, la pyniaid da ki briew ba shemphang na MATI, Civil Defence and Home Guards, Fire and Emergency Service bad ka DDMA, kiba la dep shim bynta ha ka jingiada kyrkieh, ka jingiarap ban iada na ka ding bad ka rukom mih noh na ka jaka ba don jingma.
Kane ka mock drill ka ai ia ka lad ban pynkhreh ialade bad ka pynkhlain ia ka bor jong ka hospital ban ai ka jubab ban pynthikna ban leh eiei ha ka por ba kyrkieh, ha kaba ka kyntiew ia ka jingshngain bad ka jingtbit ban pdiang ia ki jingshitom.
