Shillong, Jylliew 12: Mynta ka sngi ka State Disaster Response Force (SDRF), ka jylla Meghalaya, kala ioh ia ka jingpyntip ba kala don ka jingtwa kawei ka kynroh ha Mawdiangdiang ha East Khasi Hills District ha kaba la don kiba shah tap ha ka khyndew ha kane ka jingtwa.
Mar ia ioh ia kane ka jingpyntip la phah sha ka District Disaster Management Authority (DDMA), ka East Khasi Hills District bad mar mar ha ka jingialam jong u Inspector T. Tynsong kila leit sha katei ka jaka ban wat ia ka met ba shah ban khyndew.
Ki nongtrei kiba trei ha katei ka jaka ki dang iatih ban buh ia u paia katba dang iatih ka khyndew kaba la don sha jrong kala hap kynsan bad ha kane ka jingjia u wei na ki nongtrei la shah ban ha ka khyndew bad ha kane ka jingiawat kaba la neh shikynta la ioh ban sei ka met.
Ia ka met kaba la ioh ban sei la aiti noh sha kibor jong ka ain ban leh ia kaba don kam ha ka jingdon lang ki pulit jong ka Mawdiangdiang Police Outpost, rangbah shnong ka Mawdiangdiang, trai jaka ba pyntrei bad kiba ia trei bad u ba khlad.
