Shillong, Naitung 15: Mynta ka Sngi ka Jaiñtia National Council JNC Central Executive Committee bad ka Jaiñtia Students’ Union Central Body kala shong meeting kyrkieh ha kaba iadei bad ka Rally kaba lah long mynnin ka Sngi sha JHADC, hadien kane naka Liang u President ka JNC bah Sambormi Lyngdoh haba ai jingkren sha ki lad pathai khubor ula ong ba “haba ngi peit iaka jingkren Jong u CEM u Ma Thombor Shiwat uba ong ba nangno ioh bor kine ki ar seng ban tur sha district council, haka jingshisha ngi lah pyndep iaka kamram Jong ngi ban pan bor naka ophis u DC hynrei ngim ioh jubab eiei, hynrei kumba ngi tip ba ngi dei ka democratic country ngi Don iaka hok ban iakhih hano hano.
Kaba ar u CEM u ong ba um tip eiei shaphang kane ka rally Jong ngi, kane hi ka pyni iaka jingtlot u CEM namar hashwa ba ngi iaid iaka rally ban pyrshah iaka shree cement kam dei shuh kaba thymmai, Naduh mynshem snem ngi la pynlong iaki jingiakhih ha Shillong, ha DC ophis Khliehriat, katba ngi sngewlyngngoh pat ba u CEM um tip iakane ka issue, ka jingshisha hi ngi lah dep ban pynbna khubor lyngba ki media.
Kaba pynlong iangi ban iakhih ka dei hajrong ka jingud ki nongchong chnong ka Elaka Nongkhlieh halor ka jingshah knieh jubor iaka jaka puta ka jong ki hapoh ka jingialam u Dolloi uba bynda ia kine ki jaka khlem ka jingtip Jong ki trai jaka kiba don daki spah spah Hektar.
Wat ka elaka Sutnga ruh kala kam ba maka ruh ka mad iakane ka juh ka jingshah knieh Jong ki jaka Jong ka hapoh kato ka 217 naki 652 Hektar Jong ka jingthmu ka Shree cement ban tih mawshun.
Katkum ka jingsngewthuh bad jingtip Jong ngi ki ar seng ba iaka kynrum kynram Jong ka khyndew ka shyiap ka dei ban peit daka district council, kaba la pynkupbor naka constitution of India lyngba ka 6th shedule ban peit khnang iaka huri hura ka khyndew ka shyiap, u pud u sam. Hynrei sngewsih ba une u CEM um pat tip iaka nongrim Jong ka jingiakhih Jong ngi ki ar seng.
Hooid kumba ka statement Jong u CEM u ong Ngam tip eiei shaphang kane ka rally, hynrei haka juh hi ka jingkren Jong u, u ong pat ba ha shwa ba ki ar seng bad ki elaka Nongkhlieh u la phah lypa iaki pulit ban pahara. Ula Ong ruh ba kim kwah ban iakren hynrei tang ban pynsawa slogan ne ban pynibor iaka ophis ka jong u. Katba ngi ngi lah pynkhreh wat iaka memorandum ban aiti sha u CEM.
Pynban u CEM u ong ba u kwah ban iakren hynrei um kwah pat. Katkum ka khubor kaba ngi ioh na kaba Ong ba u CEM u don ha kamra hynrei ha shwa ba ngin poi u la phet noh ryngkat ki EM, tip na kaei ka daw. Te kane hi ka jingkren Jong u CEM ka pyni shai ba u kwah tang ban tlep eit miaw ia kaei kaba ka JHADC ka kum shah pyniaid haki bor ba nabar.
Haba phai pat sha ka NOC, u CEM u ong ba ka jHADC ka ai halor ka jingkyrpad naka elaka bad naka shnong, hynrei haba ngi phai dein pat shaka jingkren Jong u CEM ha kiwei naki session ha JHADC, u ong ba dei ka jingpynbor Jong ki bor halor sa ai pat iaka NOC.
Kane ka pynkulmar jingmut shisha. Lada phai shaka sanad Jong ki Dolloi bala pynmih naka JHADC, lah kdew shai ba ki Dolloi kim dei ban ai NOC ia kano kano ka kompany khlem ka jingmynjur ka elaka bad ka district council. Kane hi ka pyni ba u CEM um dei u briew ba biang haka kam, lane um dei u briew uba tip iaki aiñ ki kyndon Jong ka district council.
Naka Liang u President ka JSU u Jersom Shylla, ula ong , ka jingiaid Rally ka jong ngi mynnin ka dei hadien ba ngi lah pan iaka permission, ngi Don iaka hok ban iakhih. Katba u CEM pat u kynthoh ba ngi wan ban pyntieng pynsmiej iaki nongtrei, ngi wan da kawei ka jingthmu kata ban iakhih daka jingsuk, halor ka jingshah knieh ki jaka ki nongrep bad ki nongshong shnong ka Elaka Nongkhlieh khlem ka jingtip Jong ki.
Ngi sngew phylla ruh haba ngi wan hangtei, u CEM bad ki EM kila phet noh bad ka khang tala iaka main gate Jong ka JHADC. Hato ka JHADC kadei ka iing shimet u CEM ??? Ngi wan khlem kino kino ki tiar ialeh bad ka Riti Synshar ka Ri India ka la ai bor ban iakhih ne pynlong iakhih hano hano without arms.
Ngi wan ban pynsngew iaka jingkwah bad jingthrang ki elaka Nongkhlieh, tangba sngewsih ba u CEM u ong ba ngi wan ban pyntieng pynsmiej, haba ngi pynlong jingialang hakhmat ka ophis ka district council baroh ki nongtrei ki ieng ha bar ban sngap ia kaei ka sur ak jingiakhih u Paidbah, hynrei kat u CEM um don ka jingkitkhlieh ban sngap iaka sur u Paidbah.
Kita ki MDC kiba ngi lah phah ban shna iaki aiñ ban kitkhlieh ia u Paidbah, hynrei phewse jin ba ki long kiba kitkhlieh ka jingiakhih kan nym long mynnin, ngi lah pyrshang ruh ban iakren shi kynta shiteng ban kyrpad ban plie iaka gate namar kane ka dei ka ophis u Paidbah, ngi kwah ban iakren, hynrei haba kim plie pat iaka gate kum ki nongialam ngin Ong aiu, haba u Paidbah ula bitar, Ngim lah ban bahkhlieh, namar ka bor ka dhong ha u Paidbah.
Hynrei wat la katta ruh ngi sngewnguh pat ba u Paidbah u sngap iaka jingkren Jong ngi, bad u sa jai jai pat. “Ngi ai khublei ruh iaka police department kaba ym shym lah pyndonkam daka bor iaki Paidbah, kane ka pyni baka Police department ka Don iaka jingsngew nguh naka bynta u Paidbah, ngi sngewnguh ruh iaka district administration kaba sngewthuh bad kiba control iaka situation ryngkat bad ngi ki nongialam”.
“Ngi wan ym ban pynibor lane ban ia umsnam bad ki pradoh prasnam, hynrei ngi wan naka bynta ka jingeh ki nongshong shnong ka Elaka Nongkhlieh, bad lada ngi ki nongialam ki ar seng lada ngim mih chakhmat mano pat ban iada ban ai bor ai Mynsiem iaki”.
Iaka jingkynthoh Jong u CEM ai ba un kynthoh kam pher, hynrei ngi ngin ieng skhem naka bynta ka Ri bad ka jaidbynriew. Sa kawei ngi kwah ban Ong ba hadien kato ka jingiakhih ngi ioh khubor ba u CEM ula wan baing shaka ophis treikam Jong u hadien ki kynta ba lah wai ka por treikam, Ngim tip balei u wan hadien ka por balah wai ka ophis timing, ula ujor iangi daka FIR, bad ka case kala iaid shakhmat, bad ia kane ki shaniah haki muktiar, ai ba ka aiñ kan iaid iaka jong ka bynta jong ka, hynrei kane hi kam dei bakan lah ban theh umpjah iaa jingialeh Jong ngi, hynrei kane pynban kan pynklang biang iaka Mynsiem ialeh ka jong ki.
Ka JNC bad ka JSU ki kwah ruh ban pyntip shaphi ki Paidbah ba halor kato ka jingdawa Jong ki ban weng ia u Dolloi bad ka NOC ka Shree cement, ka dang bteng hadien kane ka lehnian Behdeinkhlam kiba ieid ki jong ki, kata ki buh daka naduh ka 20 tarik, ba hadien kane lada u CEM um leh eiei naka liang jong ki ar seng kin sa wad da kiwei pat ki lynti bad ban bteng iaka jingiakhih, bad ban dawa ruh shisyndon ba u CEM u dei ban hiar shuki noh, namar u briew uba dei peit ban leh iaka kam kum u khliehdooh ka JHADC, namar haka jaka ban iada u bynda pynban kynnoh ka JSU bad JNC bad kum une u dei ban hiar shuki noh shisyndon. Pynkut u Jersom Shylla.
