Nongpoh, Naitung 16: Ka kynhun ialehkai kynjat ball kaba hapoh ka 15 snem ka rta na Ri Bhoi District, ka Downgate Football Club na Meghalaya kala ia khun ia ka phainal bad ka kynhun ia lehkai ka Haiti Football Club ha Dimapur ka jylla Nagaland ha ka jingialehkai kaba la tip kum ka 1St Summer Football Tournament 2026.
Ha kane ka jingialehkai ka Downgate Football Club kala ioh thep ar kol ban jop pyrshah ia ka Haiti Football Club kala ioh ban thep shikol ha kane ka jingialehkai, kane ka jingjop kala wanrah burom ia ka Ri Bhoi District bad ka jylla baroh kwei.
Ka jingialehkai haka phainal kala long kaba jwat bha kaba kine ki arkynhun baroh ar kila pynpaw ia ka jingtbit ha ka jingialehkai, ia kane ka jingialehkai kynjat ball la pynlong da ka Dimapur Donbosco Higher Secondary School ka jingialehkai kala neh lai sngi lynter.
Ha kane ka jingialehkai ka Downgate Football Club kala ioh ban rah ar tylli ki khusnam kum ki rangialeh kai, ia ka nam Best Defender kaba la iohrah da u Khampher Makri bad ia ka nam Best Goal Keeper kaba la iohrah da u Wanshan Thabah.
Ia ka kynhun ialehkai ka Downgate Football Club na Nongpoh Ri Bhoi District la ialam da u bah David Marwein kum u nonghikai bad ka Riba Kular Manih kum ka Manager, ka jingdon kane ka kynhun kala plie lad ia ki khynnah ba kin ioh ialehkai bad sei ia ki sap kaba ki don.
Ia kane ka jingialehkai Summer Football Tournament kaba la pyniaid da ka Dimapur Sports Association ia kaba la pynialehkai ha madan ialehaki jong ka Dimapur Donbosco Higher Secondary School, ha Dimapur Nagaland kaba la long lai sngi lynter naduh ka 13 Tarik, haduh 15 tarik Naitung 2026.
