Shillong, Naitung 23: Sa shisien pat, ka jylla Meghalaya kala jam sha uwei pat u mawjam ba kongsan ha kaban pyn kyntiew iaka iew ka hat ha ka kam rep kam riang da kaba pynmih da u sohtrun na kane ka jylla Meghalaya uba lah ban ioh na Swiggy Instamart ha Bengaluru. Ia utei u soh, la ai kyrteng da u “sohtrun na Meghalaya”, ha kaba kane ka pynpaw shai iaka kyrteng kaba pawnam jong ka Meghalaya kum ka dak kaba pynithuh ia ki soh ne ki jhur kiba pawnam ne ka mar rep kaba shongkun.
La sdang ia kane ka jingkhaii sohtrun shabar ka jylla lyngba ka Jirang Organic Farmer Producer Company (FPC), kaba long ruh ka jingphah da ki sohtrun ba dang thymmai sha Bengaluru lyngba ka jingkit mar da ka liengsuin bad ka pynthikna ba ki nongshong shnong ne ki nongthied ki ioh iaki soh kiba khuid bad kiba bha ki soh ba khuid bad ba biang bha ka jingeh bad ka pynsuk iaki nongrep ban ioh leit die sha ki iew heh na ka bynta ka dor kaba shi sngi.
Lyngba kane ka iew ia die iathied kaba don ka jingiatreilang, ka Farmer Producer Company kala buh ruh iaka dor ba biang, ha kaba kane ka pynmih iaka resol ba bha bad kan don ka jingioh nong kaba kham kynroi na ka bynta kiba rep sohtrun. La buh dor ia kine ki sohtrun mynta haduh T. 139 uwei u soh.
Ka jingdon u sohtrun na Meghalaya ha ki app die mar ka pynioh ia u briew ha nongbah Bengaluru un lah noh ban thied mardor ia u une u soh kordor na ka jylla lyngba ki online delivery. Ka jingkyrshan iaki nongrep ka long ka lad die ioh myntoi shikatdei iaki nongrep khamtam ha Ri Bhoi bad kiwei ki thain, namar ka pynkiew iaka dor die bad pynduna iaka jingdon ki nongkhaii pdeng. Ka nongrim ban pynneh la ka jong ka rep ka riang ka long ba ka sorkar ka thmu ban kyntiew iaka ioh ka kot ki nongrep da kaba pynbiang iaka lynti die kaba kham myntoi bad baskhem.
Ka sorkar kala bteng ban pynskhem iaki Farmer Producer Organisations (FPO), ha kaba kane ka pynbit pynbiang iaki jaka ri kyntiew bad pynkhreh hadien ka jingot bad pynsuk iaka rukom kit bad pyniasoh beit iaki nongrep bad ki iew kiba theh pisa. Ka jingkyntiew iaka Meghalaya Pineapple ha ka Swiggy Instamart ka dei kawei pat ka nuksa jong ka jingpyrshang kaba pynkylla sha ki jingmyntoi kaba ki nongrep ki lah ban ioh, katba nang kyntiew ruh iaka kyrteng jong ki mar rep ka ri-lum Meghalaya ha ka ri baroh kawei.
