Shillong, Naitung 27: Mynta ka sngi ka seng HANM jong ka West Jiantia Hills District kila leit ban ia kynduh ia ka Branch Manager jong ka Punjab National Bank ha Ummulong ban ai jingthoh ban kyntu ba kin buh ATM ha katei ka shnong.
Mynta ka sngi ha ka jingialam u President ka seng u bah T. Sutlong kila leit ban ai da ka jingthoh sha ka Branch Manager jong ka Punjab National Bank ban kyntu ba don kam ban don ia ka ATM Mashin ha Ummulong namar mynta ka don tang jong ka SBI.
Ka seng kala ioh ia ka jingujor na ki paidbah ba, namar ka jingbym don ka ATM kala buh ia ki paidbah ha ka jingeh namar ki hap ban ap byn kynta namar ba la bunbriew, dei halor kane ka daw ba ki kwah ban don ia ka ATM Mashin jong ka PNB ha katei ka jaka.
Kane ka jingeh kam dei tang ia ka shnong Ummulong hynrei ka dei ruh na ka bynta ki shnong saw dong kiba don ha jan jong ka, ka seng ka ong ba kane ka dei ka jingangnud jong ki paidbah ka thain, ka seng kan pynpaw ia ka jingsngewnguh lada ka PBN kan buh noh ia ka ATM ha Ummulong.
