ShillongRymphang,12:Ka pakhang shnong ba la khot pynlong da ki san seng kata ka AJYWO-Sengkmie, KSU-JHDU, HNYF-EJZ, FKJGP-KC bad ka SRS-EJH ha ka 13 tarik mynta u bnai hapoh u pud u sam jong ka East Jaintia Hills District naduh ka por 5 baje mynstep haduh ka por 5 baje jan miet ban pynbor ia ka sorkar bad ka NHAI ban maramot ia u NH44 kan iaid beit kat kum ba la pynbna, ong u kyrwoh na ki san seng ba la phah da u Bah M H Dkhar, President jong ka AJYWO-Sengkmie.
“Ka pakhang shnong kaba ki la khot ban pynlong ha 13 tarik mynta u bnai naduh 5AM haduh 5Pm hapoh u pud u sam jong ka EJHD kan iaid beit kat kum ba la pynbna bad ngin ym kynran dien shuh” ong u Bah M H Dkhar.
“Ngi kyntu ia ki paidbah ba kin ia snoh kti lang bad ruh kyrshan ia ngi ki san seng namar kane kam dei na ka jingmyntoi jong no jong no re hynrei ka dei beit na ka ka bynta ka jingmyntoi jong u paidbah, khnang bad a kaba ngi leh kumne ka sorkar kan sngap ia ka jingdawa jong ngi ban maramot noh ia ka NH44 shwa ba ka por slap kan wan” bynrap shuh shuh u Bah Dkhar.
“Ki bym sngap bad ruh kiba iaid pyrshah ia kane ka jingkyrpad jong ngi kum ki san seng, ki san seng hi kin ym don ka jingbah khlieh lada jia ei ei ia ki na ki nongshim kabu na ka ne ka pakhang shnong jong ngi”. la pynkut u bah dkhar.(SP News)
