Tura, Rymphang 26: Ka seng federation of Khasi, Jaintia and Garo People (FKJGP) mynta ka sngi kala lei tai da ka jingthoh sha u Deputy Commissioner jong ka West Garo Hills ha kaba kila ujor ba ki don ki briew kiba don ha kahppud bad ka jylla Assam ki don ar tylli ki dur thep vote kawei jong ka jylla Meghalaya bad kawei pat jong ka jylla Assam.
Ha kane ka jingthoh kaba la ai sha u DC la kdew kiba bun na kine kiba don ar tylli ki EPIC kiba bun ki dei na Phulbari, na ka liang jong ka FKJGP ka la dew ba u Khabirul Islam Mondal u don ia ka EPIC jong ka jylla Meghalaya bad Assam ka EPIC number jong u na ka jylla Meghalaya ka dei FTB0646141 bad na ka jylla Assam ka dei GCL1260293.
Kane ka long tang ka nuksa ki don shibun kiwei ruh kiba don ia kane ka jingdon ar tylli ki dur thep vote la ong u Bappun Sangma nongialam ka seng FKJGP ha Garo Hills. La ong ba kane ka jaka ka dei kaba la mih khmat da u AT Mandal u ba dei u shnongknor jong ka iing dorbar.
Ka seng Anti Corruption League (ACL), kaba dei na ka thain Bhaitbari, u General Secretary jong ka ACL, Mostapha Kabir u la ong ba ia ki jaka jong ki la wan buhai shong da ki briew kiba na shabar. Kine ki briew kit hep vote ha Meghalaya bad hapoh ka jylla Assam.(SP News)
