Shillong, Jymmang 22: Ki pulit jong ka nognbah Shillong mynta ka sngi ha ka por 1 baje shiteng synia kila kem ia lai ngut ki briew kaba kila buddien la slem bha ia ka iaid ka ieng ka jong ki bad mynta ka sngi kila kem halor ka jingsuba ba ki dei ki nongshallan pisa thok.
Kine ki lai ngut kiba la shah kem ki long u bah Richard Warjri, u Kailash Sharma bad u Bah Wakil Sunn. Ha dien ba la kem ia ki na ka liang jong ki pulit kila leit ban khynra ia ka iing jong u Bah Richard ha Mawiong Umjapung bad ha kane ka khynra ki la ioh kurup hynniew song ka lut shihajar bad shisong ka lut san spah na ka iing jong u.
Na ka liang jong ki pulit ki dang pynlong mynta ia ka jingtoh kit ban lap na ei kane ka pisa ka wan bad mano ba ia don kti ha kane ka kam khaii pisa thok. Ki pulit ki ngiet ba kine ki dei tang kiba rit ha dien jong ki dang don kiba heh lane kita ki nongialam.(SP News)
