Shillong, Lber 11: U Dr Mukul Sangma myntri rangbah ka jylla mynta ka sngi u la phah ia ki 11 ngut ki kyrteng sha u Lat jong ka jylla u R S Mooshahary na ka bynta bay n pynsmai ia ki kum I myntri hapoh kaneka sorkar kaba u la ialam.
Katkum ki tyllong khubor kiba la lah ban ioh da u SP News Agency ki iathuh ba ki kyrteng kiba la phah mynta ka sngi ki long na ka nongbah Shillong kin shah pynsmai myntri lashai ka sngi ki long u Bah AL Hek, Kong Ampareen Lyngdoh bad ka kong Roshan Warjri.
Katba na ka East Khasi Hills pat kiba la shah jied ban shah pynsmai minister la shai ka sngi ki long u Bah Prestone Tyngsong bad u Bah HDR Lyngdoh, katba na Jowai pat ki long u Dr RC Laloo bad u Bah Sngewbhalang Dhar.
Na Sotuh West Khasi Hills u ioh u bah Rowell Lyngbaoh, katba na Garo Hills ki long u Zenith Sangma, u Clemet Marak bad ka Debora CH Marak. Katba ka Ri Bhoi kaba don lai ngutki MLA Congress kam shym la ioh bynta ha ka kam myntri.
Kiwei pat ki tyllong khubor ki iathuh ba kane ki myntri kiba shah pynsmai mynta ki lah ban eh na ka bynta ar snem shiteng bad nangta kan sa don ka jingpynkylla ha kaba kin sa don sa kiba thymmai kiban ia ioh bynta lang ha kane ka sorkar kaba mynta.
Na ka daw jong jingbym lah ban pynrung ia ki ba bun ki MLA sha ka kam myntri na ka liang jong u Dr Mukul Sangma u la shem jingeh shibun ha kaba ka la don ka jingiakren ba baroh ki MLA kiba khlemioh long myntri kin ioh ia ki kam Chairman ha ka kyrdan Cabinet . (SP News)
