Shillong, Nailar 27: U Bah Kitborlang Nongrem u nongialam ba khmat jong u Martin M Danggo ha ba kren ha ki lad pathai khubor ha dien ba la shah rem ha ka elelshon shiteng samoi, u la ong “ Ka jingangnud jong u Martin M Danggo ha ka jinglong MLA jong u ha ki 20 snem kiba la leit noh dei ka Civil Sub Division bad u la pyndep”.
Haba jubab ia ka jingkylli hato ka dei na ka daw jong ka jingphet seng, u Bah Nongrem u la ong ba kata ka dei ka jingong ki paidbah, hynrei na ka liang jong u u la ba kam dei na kata ka daw, ka daw ka long ba kiwei ki kyrtong kim shym la lah ban tam ia ka but. Ka but jong u Danngo ka neh. ‘Ngi pdiang ia ka rai jong u paidbah ha kaba kila pynthymmai ban jied ia u MLA ba thymmai.
Haba phai sha border u Bah Pius u la kham ioh but mynta, na ka liang jong u Danggo u la kren shai ba lada ym ia leh elekshon shuh ruh u hun namar u la dep ban pyndep. Na ka liang jong u Bah Kitboklang nongrem u la ai khublei ia u Bah Pius u ba ki paidbah kila ai ka jingjop bad u kyrmen ruh ba yn dang lah ban trei kham bha.
Na ka liang jong ka NPP kam don jingsngewsih ei ei halor kane ka jingshah rem namar ki paidbah kila kwah leh se ban ioh ia u nongmih khmat u ba thymmai. Ban ong ba ki shah rem namar ka dei na ka jingphet seng kam don ei ei kaba kum kata, la pynshai u Bah Nongrem.
