Shillong, Jymmang 18: U Myntri Rangbah ka jylla u Conrad K Sangma mynta ka sngi u la leit da lade ban lap ia ka jingtwa ka kynroh ba ker sawdong ia ka jaka jong ka iing dorbar thawain ka jylla ha Mawdiangdiang ban lap ia ka jingshisha.
Haba la wan ban jurip la iathuh ha u myntri rangbah ba ka kynroh kaba twa ka jngai na na jaka bala shna ia ka iing dorbar thawain ka jylla namar kane ka jingslap ym lah ruh ban poi sha kane ka jaka ba twa ka kynroh.
La ong ba u la ioh ruh ia ka jingpyntip u Lamphang ka iing dorbar thawain ka jylla ha ka miet sngi Thohdieng bala kyntu ban peit lem ia kane ka jingtwa ka kynroh ha katei ka jaka bad mynta ka sngi ryngkot ki briew jong ka PWD la iathuh ba ia kane ka kynroh kamdon jingiade ei ei bad ka jingtei ia ka iing dorbar thawain.
Na ka jaka ba shna ia ka iing dorbar kan shitom shibun ban poi sha ka jaka ba shibynta jong ka kynroh kala khyllem, kane ka jingtwa kam don jingiadei ei ei bad ka jingshna ia ka iing dorbar kaba dang iaid mynta katei ka kynroh kadei da kawei pat ka jingtrei bad ka long sha bynta ba shathem.
Ka jingshna ia ka kynroh la phah shna na Assembly la bun snem mynta kam don jingiaidei bad ka PWD, ha katei ka jaka kala don ruh jingtwa khyndew bad kane leh se kala ktah ruh ia ka kynroh bad kaba shai ka long ba kam don jingiadei ei ei ruh em bad ka jingshna ia ka iing dorbar thawain ak jylla, la ong u myntri rangbah ka jylla.
