Shillong, Rymphang 29: U Myntri kam poh iing jong ka jylla u bah Lahkmen Rymbui mynta ka sngi u la lum ia ka jingialang jong ki rangbah shnong ka Sor Shillong ban pan ia ka jingiatrei lang jong ki ban pynneh pynsah ia ka shongsuk shong sain ha ka nongbah Shillong.
Ha kane ka jingialang bad ki rangbah shnong na ka liang jong u myntri kam poh iing u la pan ia ka jingkyrshan jong ki rangbah shnong ban wan rah ia ka shong suk shong sain ha ka nongbah Shillong bad khamtam ka exsamin jong ki khynnah kala sdang.
Ha kane ka jingialang na ka liang jong ki rangbah shnong kila ai ka jingkular ba kin ia trei ryngkat na ka bynta ban wan rah biang ia ka jingshong suk shongsain ha kane ka nongbah Shillong, khamtam eh ha kane ka por ba la sdang eksam ki khynnah.
Na ka liang jong ka Deputy Commissioner kala iathuh ba kane ka jingialang kaba la long mytna ka sngi ka long ban kyrpad ia ki rangbah shnong ba kin ai ka jingkyrshan na ka bynta ban pyneh pynsah ia ka shongsuk shong sain ha kane ka nognbah Shillong.
