Shillong, Jylliew 22: Ki ar tylli ki dorbar shnong ka Mawkhar bad ka Wahthapbroo kila shim ia ka rai ban ia treilang ban peit ia ka jingkhuid jingsuba jong ka Motphran bad mynta ka sngi kila thung syntiew ruh ha u Motphran ban pynitynnad ia kane ka jaka sah nam.
Haba kren ha u SP News Agency u Rangbah shnong ka shnong Mawkhar u Bah Arwan Tariang u la ong ba kane ka jingleit jong ki sha Iewduh ha kane ka sngi ka long ban peit ba kan don ka jingkhuid jingsuba hapoh ka iew.
Shuwa ban plie ia ka iew ruh na ka liang jong kine ki ar tylli ki dorbar shnong kila dep ban ia kren bad u Syiem ka hima Myllime ba ki dei ban peit ba kan don ka jingkhuid jingsuba jong ka iew, kane ka jingiakren kaba kila ia kren bad u Syiem.
Ha kane ka sngi na ka liang jong ki nongkit kam shong ka shnong Mawkhar bad Wahthapbroo kila ia don lang ban leit sha iew bad ban peit ba ka Motphran kan long kaba khuid ba suba.
