Shillong, Lber 02: U Lat jong ka jylla u Satya pal Malik mynta ka sngi u la pynkup burom ia ki NCC kiba la ia shim bynta ha ka jingleh burom ia ka Republic Day 2021 jong ka Ri India ha nongbah Delhi.
Ha kane ka jingpynkup burom ia ki dkhot ka NCC kiba la wan ban ia shim bynta ha ka Republic Day ha Delhi, la kren da u ADG, ka NCC jong ka NER u Major General Ananta Bhuyan ha kaba u la ong ba kine ki samla kiba la shah jied dei kiba la ioh jinghikai hangne bad ha ka juh ka por la ai khublei ruh ia ka sorkar kaba la ai ia ka jingkyrshan.
U Lat jong ka jylla u la sam ia ki syrnot sha ki dkhot ka NCC kiba la wan ban ia shim bynta ha ka jingkilan met ha nongbah Delhi ha ka Republic Day, na ka liang jong u Lat u la ai khublei ia ki kmie ki kpa ki principals bad ki nongpyniaid ia ka NCC kaba kila ai ka jinghikai na ka bynta ban kyntiew ia ka ri.