Guwhatai, Naitung 10: Da ki spah ngut ki riew ngeit jong ka niam Bhudhist mynta ka sngi ki la mih paidbah ha Guwahahti ban iaid paidbah ban pyrshah ia ka jingpynbthei bom ha ka jaka mane jong ki ha Bodh Gaya ha ka jylla Bihar.
Kane ka jingiaid paidbah ka la sdang na DC court, ha kane ka jingiaid paidbah ki nongialam niam jong ka niam Bhudhist ki la duwai na ka bynta ka jingshong suk shong sain. Ia kane ka jingiaid paidbah la pyniaid da ka Greater Guwahati Buddhist Association.
Ha dien kane ka jingiaid paidbah la leit ban ai ruh ia ka dorkhas sha kibor sorkar jong ka jylla Assam ban kyrpad ia ka sorkar Assam ba ka dei ban ai ka jingiada ia ki jaka mane blei jong ki.
U Benerable u wei na ki Monks uba la ia shimbynta ha kane ka jingiaid paidbah u la ong ba ki kwah ia ka jingshong suk bad ki kwah ba ka sorkar ka dei ban ai jingiada ia baroh ki jaka mane blei jong ki Budhist ha Assam.
Lah ban pynkynmaw ba ka la don ka jingshah pynbethei bom ka Bodh Gaya Temple haka 7 tarik mynta u bnai ha Bihar bad kane kala pynkhih ia ka Ri India baroh kawei.(SP News)
