Shillong, Lber 09: U myntri rangbah ka jylla u Conrad K Sangma ha ba jubab ia ka mat ia krdn ba la wanrah da u Zenith Sangma MLA u la ong ba ka daw ba ka jylla ka la mad ia ka jingshah pynlip light kadei namar ka jingiateh soskular jong ka sorkar ha u snem 2007 bad ka National Thermal Power Company .
U Myntri rangbah u la iathuh ba ka jingpynlip ia ka light ka dei ba ka NTPC ka khang ia ka sorkar Meghalaya ban thied bording na kiwei ki company bording katkum ka soskular bala soi ha u snem 2007.
U myntri rangbah u la iathuh ba kat kum ki kyndon ba la buh ha ka soskular ka ba la soi da ka sorkar ha u snem 2007 ha ka ba wat la ka jylla kam treh shuh ban shim bording naduh u snem 2017 na ka NTPC hynrei ka NTPC ka lah ban khang ia ka sorkar jylla ban thied bording na kiwei ki company.
U Conrad myntri rangbah ka jylla u la iathuh ba ka jingbym shim shim bording shuh ka sorkar na ka NTPC kadei namar ba kador jong ka bording na ka NTPC ka dei Rs 5.7 per unit bad kane ka dei ka kador ka ba heh tam ha ba ianujor bad ka dor iew.
Kat kum ka soskular ka ba la soi ha u snem 2007 wat la ka sorkar jylla kam shem la shim bording shuh na ka NTPC hynrei hynrei ka tnad bording kan hap ban siew 11 klur shisnem sha ka NTCP.
U myntri rangbah u la ong ba ka long ka ba lyngngoh ia ka rai jong ka sorkar ha u snem 2007 ha ka ba ka jingiateh soskular hakito ki snem ka khyrwait kylla ia ka sorkar ka ba mynta ha ka ba wat tang ban thied ia ka bor ding na kiwei ki company ruh kan khang bad ka wanrah ka jingeh ia ki paidbah ha ka jylla.
U Myntri rangbah u la ong ba “kane ka jingiateh soskular jong ka sorkar bad ka NTPC ha u snem 2007 kadei ka sorkar ka ba u MLA u ba wanrah ia ka ne ka motion ruh u donlang.”
U myntri rangbah u la iathuh hapoh ka ingdorbar halor kane ka soskular ha u snem 2007 hapdeng ka sorkar bad ka NTPC, ka la kohnguh ia ki kyndon ba sorkar jylla kan hap ban shim bording na ka Bongaigoan Thermal project jong ka NTPC haduh 25 snem.
kawei ka kyndon ka ba ki la soi ha ka soskular ka long ba lada ka sorkar Meghalaya kan shim ne ym shim ia ka bording na la NTPC hynrei kan hap ban siew ia ka pisa ka ba long 133 klur man u snem bad lada khein ia kane na ka bynta ka 25 snem kan poi sha ka 3,325 klur tyngka la ong u Myntri rangbah.
U Myntri rangbah u la ong ruh ba haba ka sorkar ka la soi ia kum kane la soskular bad mynta kim wan ban buh ia ka jingkylki kam dei ka ba don jingmut hynrei kum ka sorkar ba dei ban don ka jingkitkhlieh ka sorkarkar kala shim ia ki katto katne ki lad ki lynti ban weng ia ka jingeh ha kaba iadei bad ka jingshah pynlip bording.
U myntri rangbah u la iathuh hapoh ka ingdorbar ba la sorkar MDA ka la shimkhia ban weng ia kane ka jingeh ha ka ba ka la dep ban iakren bad ka MTPC halor kane ka jingiateh soskular namar ki kyndon ki long ki ba khlem nongrim.
“Na ka liang jong ka NTPC ka la mynjur ban weng ia ka kyndon ban khang ia ka sorkar Meghalaya ban thied bording na kiwei ki company bording lada ia ka NC yn buh ha ka kyndon jong ka jingiasoi yn sa weng noh ia ka kyndon ba khang ban thied bording na kieei ki company.” u la ong.
U myntri rangbah u la iathuh ruh ba Ka NTPC ka kwah ia ka commitment na ka MeECL ba na ka pisa ba kan ioh na ka REC katno kan siew na ka second installment sha ka NTPC bad ka sorkar ka dang ialeh katba lah ban lah ban weng ia kane ka jingeh bad khmih lynti ruh ba shen yn sa lah ban weng ia ki jingeh baroh ha kaba iadei bad ka jingshah pynliplight ha ka jylla.
