Mairang, Nailur 20: U Deputy Commissioner (Supply) ka Eastern West Khasi Hills District u pynbna paidbah sha baroh ki longiing hapoh ka distrik ba la pyllait lyngba ki dukan rashon ia u khaw rashon katkum ka National Food Security Act, 2013 bad ruh ia u khaw bym donkam ban siew pisa katkum ka skim PMGKAY na ka bynta u bnai Nailur, 2022.
Na ka bynta u khaw khaw PHH, yn sam 5 kilo shikhlieh briew ha ka dor 3 tyngka shi kilo, na ka bynta u khaw AAY, yn sam 35 kilo shi card ha ka dor 3 tyngka shi kilo katba ia u khaw Non- NFSA pat yn sam 7.215 kilo shi card ha ka dor 13 tyngka shi kilo. Shuhshuh, ia u khaw bym donkam ban siew pisa, kata, u khaw katkum ka skhim PMGKAY, yn sam mar 5 kilo shi khlieh briew naka bynta kito ki ba don ia ki card rashon AAY bad PHH.
Ym bit ban ai duna ne ot na ka bhah ba la buh ne mang da ka sorkar ha kaba iadei bad ka jingsam ia uno uno u marbam ba la ai lyngba ka shkim PMGKAY, NFSA bad Non- NFSA bad la bthah ruh ia baroh ki FPS dealer ba kim dei ban pynduh khaw ia kito ki nongbam ki bym pat don ia u Aadhaar Card bad ia kito ki ba la pynjah ia ki ration card jong ki.
Ia ka bai kit bad bai kali ban pynpoi ia kine ki marbam hapoh jong kitei ki lai tylli ki skhim yn bei pisa da ka sorkar sha ki Wholesaler ne Dealer kumba ju leh na ka por sha ka por bad ha ka jaka sam khaw la bthah ba baroh kin ieng la kumno kumno shi mitar ka jingjngai iwei na iwei pat ha u lain. Shuhshuh, baroh ki nongshim rashon kin hap ban deng ia ki jingda dur khmat (Mask) ha ki jaka sam khaw.
Lada lap ia kino kino kiba pynkhein ia kitei ki kyndon, yn pynshitom katkum ka ain bad lada don kano kano ka jingujor halor ka jing bym thikna ka jingsam ia ki mar rashon, ki nongiohbhah ki lah ban phah da ka jingthoh sha u District Grievance Redressal Officer bad Additional Deputy Commissioner (Supply), Eastern West Khasi Hills District, Mairang lane ki lah ban thep ha ka Complaint Box ba la buh da ka office u Deputy Commissioner (Supply), bynrap shuhshuh ka kyrwoh jong u Deputy Commissioner (Supply) ka Eastern West Khasi Hills District (SDPRO, Mairang).
