Shillong, Risaw 14: U Myntri Rangbah ka jylla u Conrad K Sangma u la plie ia ka Crowborugh hotel kaba ka kylla kyrteng sha ka Vivanta ha dien 36 snem na duh bala sdang pyntrei iaka ha u snem 1986.
Haba kren ha kane ka jingialang ban plie ia kane ka hotel kaba don ha pdeng jong ka sor Shillong kaba la lah ban pyndep ha ka jingiadon lang u myntri ba dei peit ia ki kam jngohkai pyrthei u bah Sniawbhlang Dhar ba du Chairman ka MTDC u Saleng Sangma bad u Chief Secretary u bah DP Wahlang bad kiwei.
U Myntri rangbah ka jylla la ong ba ia kane ka Hotel la sdang tei ha u snem 1986 bad la lah ban pyndep mynta ha dien bun phew snem, wat hapdeng ka jingdon kane ka khlam COVID-19 kila trei shitom bad lah ban pyndep ia ka kumba la buh.
Kane ka Vivanta hotel kaba la lah ban plie mynta ka sngi ka dei ka nuksa ba wat ha pdeng ki jingeh ymd ei ban kynran dien dei ban tur sha khmat da ka jingiai shah bad ka jingkut jingmut ban pyndep ia kane ka jingtrei wat ha pdeng ki jingeh kiba bun.
La ong ba ka jylla ka dang duna shibun ki hotel kiba remdor na ka bynta ki nongwan jngohkai pyrthei bad kane ka Vivanta Hotel kan long kawei na ki jaka sah ia kiba don ba em bad kane ka dei ka jingangnud ki paidbah ban dep kane ka jingtrei.
U myntri rangbah la ong ban kyntiew ia ka ioh ka kot jong ka jylla ka kam shangsuwari ka dei kaei na ki bynta ban kyntiew ia ka ioh ka kot jong ki paidbah bad ka sorkar kan kyntiew ia ki kam jngohkai kum ha Sohra, Jowai, Shillong, Umiam bad Tura.
Ka sorkar ka dang ialeh ban kyntiew ia ki jaka jngohkai sha West Garo Hills ha kaba ki dang shna mynta ha Sakaladuma, Shnongpdeng ha West Jaintia Hills, Sohra ha East Khasi Hills, Mawlyndep bad Nongmahir in Ribhoi, Nongkhnum ha West Khasi Hills, Thadlaskien ha West Jaintia Hills bad Pelgawari ha South West Garo Hills.
Ka jingtei ia kitei ki ka shongdor ha pdeng san bad shiphew kluar kawei kawie ha kiba bun ki shnong. Ka sorkar ka buh ia thong ba la kumno kumno dei ban ioh ban pdiang ia 2500 ngut ki wan shang suwari ha kane ka jylla bad ia kane yn lah ban leh ha kine ki san snem ban wan.
Ka sorkar ka ain jingiarap 35% haduh T.10 lak tyngka na ka sorkar jylla bad 35% aid a ka sorkar pdeng hapoh jong ka PMEP, lada ha ka shibnai ki lah ban kamai T.50000/- tyngka katba ka jingsiew ram kan long T.5000/- tyngka.
Ka sorkar kala ioh pdiang 480 tylli ki aplikoshon ban ban shna iing basa bad ka sorkar kala dep ban ai jingmynjur na ka bynta ki 75 tylli ki iing basa ha ka dor T.7.1 klur tyngka. Ka sorkar kala pdiang ruh ban shna ia ka Ropeway kaba T.140 klur nalor kiwei ki ban kyntiew ia ki kam shangsuwari ha kane ka jylla.
Ia ka Vivanta Hotel la shna ha ka jaka kaba heh 8,800 meter sawdong kane ka hotel ka don 101 ki kamra, kane ka hotel ka don ia ka restaurant, Dukan sha, ka jaka dih kyiad bad ki dukan bad ka jaka khawai.
Kane ka Hotel ka dei jong ka Meghalaya Tourism Development Corporation (MTDC) ia kaba la aiwai sha ka IHCL na ka bynta 33 snem ha ka jingtrei kaba la tip kum ka Public Private partnership.
