Shillong, Nailur 10: Mynta ka sngi ki briew kiba ym lah ban tip ki la theh da ka petrol ia ka bus ML05 A 8518 katba dang pynieng ha jan iew Nongmynsong bad kine ki briew ki la thang ia kane ka bus kaba la pyndon kam da ki pulit.
Katkum ka jingtip kaba la lah ban ioh la iathuh ba ha ka por kumba hynniew baje tam ei ei ha ka por ba sdang ka pakhang surok miet. U nongniah ia kane ka bus u ong ba ka don ka jingthud bad u la pynieng ha neng khyndait ia ka Nongpynsong police out post.
Ha kane ka por khlem da poi pyrkhat ki briew kiba ym lah ban tip ki wan bad theh da ka petrok ia ki shaka jong kane ka bus kaba pyndon kam da ki pulit bad thang ia ka, hynrei da ka jinglap biang por jong ki briew ban pynlit kane ka bus ka la lait na ka jingduh kaba khraw ka jingjulor ka dei tang ia ki shaka.(SP News)
