Shillong, Nohprah 21: Ban rakhe ia ka jinglehkmen Khristmas u MLA jong ka 19-Shillong South u bah Sanbor Shullai myntri ka sorkar jylla na ka skhim SUWP skhim u la ai jingiarap ia ki 27 tylli ki kommitee balang kaba la kot sha ka T. 10,50,000/- lak tyngka.
Nalor ki kynhun kommittee balang la ai jingiarap ruh ia ki kommittee dorbar shnong, ka seng ki nongniah Taxi ka thain Laban, kane ka jingiarap ka long ba kin ia leh kmen ha kane ka jinglehniam Khristmas 2022.
Ia kane ka jingiakynduh lang ban sam ia ki jingiarap sha ki kynhun bapher bapher la pynlong ha iing sah jong u bah Sanbor MLA, ia ka jingduwai la ialam da u Rev. Pastor T R Marak na ka balang Baptist Church Shillong.
