New Delhi, Iaiong 18: Ka tnat Information and Broadcasting mynta ka sngi ka la pynlong ia ka National Workshop kaba nyngkong bad ka jingimir jingmut halor ki Draft AVGC Polisi ha Vigyan Bhawan, New Delhi, na ka bynta kito kiba donkti ha kine ki kam.
Ki riewshemphang bad ka Sorkar. Ka la don ka jingiashim bynta na shibun ki kynhun Sorkar Pdeng bad ki Sorkar Jylla kiba iadei bad ka AVGC, ha ryngkat kito kiba don bynta ha kine ki kam AVGC.
La plieia kane ka workshop da u Apurva Chandra, Secretary ka tnat I&B bad Chairman AVGC Taskforce. U la kren shaphang ki jingpyrshang jong ka tnat ban pynkhlain ia ki kam AVGC (Animation, Visual Effects, Gaming & Comics – Extended Reality) ha India bad u la ban jur ba ki Jylla ruh ki donkam ban leh katba lah ban ioh jingmyntoi na ki kam AVGC.
UApurva Chandra, Secretaryka tnat I&B, u la kren shaphang ki kam kiba plie lad ia ki kam AVGC ha kaba ka pule puthi bad ka jingkyntiew sap ki long ki rishot jong kine ki kam. U la ong ba ki kam AVGC ki la kiewbha ha kine ki por ba la dep bad la kyrmen ba kin dang kiew shuh shuh ha kine ki shiphew snem ban wan.
U Secretary u la ong ruh ba ka long kaba donkam ban plie ia ki lad kiba dei ia ki khynnah ha ka rta kaba biang, khnang ba kin don lad ban pyntbit ialade bad ioh jingkamai na kine ki kam, bad namar kane, ka draft polisi ki ban jur kumjuh ia ka jingkyntiew sap bad ka pule ka puthi.
Kum ban shu kdew ia ki lad kiba don ha kine ki kam, u Chandra u la ong ba ki kam AVGC mynta ki don ha kajuh ka jaka ba ki kam Indian IT ki don ha ki snem 2000. Ki kam IT ki la kiew shaphrang ban don ka bynta kaba khraw bad kine ki juh ki lad ki don ha ki kam AVGC.
U la ong da kaba bynrap ba ki phlim ba heh ha Hollywood mynta ki pyndonkam ia ka jingtbit bad ka bor jong ka India. U la ban jur ruh halor ka jingdonkam ia kito kiba don bynta ha kine ki kam ba kin iatreilang ban pynthikna ia ka jingpynbiang ia ka jingkyntiew sap kaba iadei bad ki sap ha kine ki kam.
U la kren ruh shaphang ka bynta jong ki Jylla ban pynurlongia ki jingthmu ka ri ha kaba iadei bad ki kam AVGC. U la pdiang ia ka bynta jong ki Jylla ban pyniar ia ki jingpyrshang bad ka jingpynkhih ia ki jingdon jingem kiba donkam ban kyntiew ia kine ki kam.
U Secretary u la ban jur halor ka jingsdang ia ki Regional Centre for Excellence bad u la kdew sha ki sienjam ba la shim da ka Karnataka ha kaba ki don ki startup kiba la don lypa bad ka Centre.
U Atul Kumar Tiwari, Secretary, ka tnat Skill Development and Entrepreneurship, u la bataiia ka jingdonkam ban plie lad ia ka jingkyntiew sap kaba la khreh ia ka lawei ha kine ki kam, khnang ba ka India kan long ka jaka pdeng jong ki kam AVGC.
U la kren ruh shaphang ka jingdonkam ban pynbiang ia ki jingdon jingem ba khlain ki ban iarap ia ka jingioh jingnang jingstad ki khynnah. Ka MSDE ka la ithuh ba ka jingkyntiew ia ki sap ka dei kaba kongsan ha ka jingkiew shaphrang ki kam AVGC bad ka ieng skhem ban shim ia ki sienjam ba donkam ban pynbiang ia ki lad na ka bynta ka jingkyntiew ia ki sap.
Katto katne ki Jylla kiba la kham kiew ki kam AVGC ki la batai shaphang ki jingshem jong ki ha kane ka workshop, kaba la thmu ban ai jingiarap ia kiwei kiwei ki Jylla, ba kynthup ia ka jingiarap ban saindur ia ki AVGC polisi ha ki jylla.
Ki bynta ha kane ka workshop ki dei kiba la thmu ban iarap ia ki Jylla ban ioh jingsngewthuh shaphang ki bynta bapher bapher jong ki AVGC polisi jong ki Jylla bad iarap ia ki ban saindur ia kine.
Ki nongmihkhmatna ki kompani bapher bapher bad ki kynhun kiba trei ha kine ki kam M&E bad AVGC-XR ki la iashim bynta ha kane ka workshop bad ki la ai jingmut halor ka jingkyntiew ia kine ki kam ha ka ri.
Ia kane ka National Workshop la pynlong da ka jingthmu ban ai jingbatai shaphang ka Model State Policy sha ki jylla khnang ba kin lah ban pynkylla bad pdiang ia kane.
Ka la ai ruh ia ka rynsan ban don ka jingiamir jingmut halor ka Draft National Policy ban pyniahap ia kane bad ki jingdonkam jong kito kiba donkti ha kine ki kam.
Shuh shuh, ha kane ka workshop la don ka bynta kaba pyni ia ki rukom treikam ba biang tam bad ka jingkyntiew ia ki kam AVGC da katto katne ki Jylla. Ka workshop ka la kut da ka jingai jingkren bad ka jingai jingsngewnguh da u Prithul Kumar, Joint Secretary (Films), ka tnat I&B.
La seng ia ka AVGC Promotion Task Force hapoh ka jingialam jong u Secretary ka tnat I & B, u Apurva Chandra. Ka la ai ia ka kaiphod jong ka ha u Nohprah 2022 bad la pdiang ia kane kum ka jingialam lynti na ka bynta ki sienjam ba donkam. Ka don ruh ia ka Draft jong ka National Policy bad Model Policy ia ki Jylla.
