Shillong, Nailar 10: Ka jing bym lait tikna ki skhim jong ka MGNREGS khamtam haba ia dei bad ka jingbym pynlait tikna ka sorkar ia ka pisa jong kane ka scheme.
Halor kane ka HYC mynta ka sngi ka 10 tarik u nailar hadien ba ka lah ioh bun ki jingujor na ki VEC jong ki shnong bapher bapher ka la leit ban ia kynduh ia u myntri ba dei khmih ia ka tnat pynroi nongkyndong u AT Mondal kum shi bynta wad jingmut ba u myntri halor ka jingslem ban pynlait ia ka pisa bad ruh ban ai jingmut ia ka sorkar kumno ban pyntreikam ia kane ka scheme
Na ka liang u general secretary ka seng u bah Roykupar Synrem haba kren sha ki ladpathai khubor u la ong ba ka jing pyntreikam ia kane ka scheme ka wanrah ka jing myntoi shibun ia ki piatbah hynrei ka jing pynslem ka sorkar pat ban siew ia ka pisa bai nongtrei jong ki.
Kane kala wanrah ka jingeh ia ki katto katne ki VEC, na ka liang ka seng ka dawa na myntri ba u donkam ban shim khia halor katei ka mat, bad ka sorkar Meghalaya ka donkam ban thaw ia ki lad ki lynti ban ia leh ban pylliat ia ka pisa ha ka Por kaba biang.
Hynrei U la iathuh pat ba na ka liang u myntri u la ong ba ka long ka ba eh ia ka sorkar namar kane ka scheme ka dei na ka central government hynrei u ong wat la katta ruh na ka liang jong u, un sa pyrshang ban shim khia Katba lah halor kane
Shuh shuh na ka liang ka seng ka la kyntu ia u myntri ba lah donkam ban don noh ka jingteh bad ka MLA schem kum ba 50% bad ka scheme MGNREGS namar ba bun hi ka MLA schemes ka leit beit tang sha ki briew kiba u MLA u mon, hynrei lada lah ban don ka jingteh ban sam lang ia ka MLA schemes bad ka MGNREGS scheme kan shu bun ka jingmyntoi ia u paidbah, namar u lah ban pyndonkam lang bad ka MLA schemes.
