Shillong, Naiwieng 27: Mynta ka sngi ka MP jong ka Tura ka Agatha K Sangma, ha ka jingiadon lang u myntri rangbah ka jylla u Cornad K Sangma bad u symbut myntri rangbah ka jylla ba dei peit ruh ia ka tnad shna surok kala plie ia ka jingkieng kaba la shna halor kawah Rongre.
Kane ka jingkieng ka dei kaba ki paidbah kila angnud la slem bha bad mynta la lah ban pynurlong da kaba plie kane ka jingkieng kaba don ha Chainage ha ka wah Rongre ha East Garo Hills District.
Da ka jingplie kane ka jingkieng kan iarap ia ki paidbah kiba don sha shiliang ka wah Rongre ha kaba mynta kan pynsuk ia ki haba ki pang ki shitom ban leit sha ki jaka ai jingsumar, kan pynsuk ia ki ban pynpoi ia ki marrep sha ki iew ki hat bad kane kan kyntiew ia ka ioh ka kot ki paidbah.
Ki paidbah ha ka por lyiur ki ia kynduh jingeh shisha namar ba ki hap ban iaid lyngba katei ka wah bad khamtam ha ka por lyiur ki hap ban shna jingkieng da ki siej ban leit na shiliang sha shiliang kane kawah.
Kane ka jingkieng kaba la plie mynta ka sngi kan ai jingmyntoi ia ki paidbah nongshong, kum ka shnong Jakopgre, Chiminmingre, Kakwa Songma, Rongregre, Dombegre, ka jinglah ban plie ia kane ka jingkieng mynta ka sngi kan iarap ia kitei ki shnogn ban kyntiew ia ka ioh ka kot.
