Shillong, Iaiong 02: Ki pulit ka East khasi hills District mynta ka sngi ka 2 tarik u iaiong 2024 ki la rah ban tian bishar ia ki ar ngut ki samla ki ba dei na ka seng Kasi Student Union (KSU) South Khasi Hills Distrit Unit hapoh ka Kashari jong u District and Session Jude jong ka East Khasi Hills District.
Kitei ki ar ngut dkhot ka KSU kiba la shah kem na ka shnong Wahutim bad na Saitsohpen Sohra ia kine ki dkhot jong ka KSU la tip kyrteng kum u Shanborlang Shati bad u Mesadapbor Skhembil, ka jingkem ia ki ka long halor ka jingkynoh ba kila don kti ha ka jingpyniap ia ki ar ngut ki briew ha Ichamati ha ka 27/3/2024.
Ha ka ba iadei bad ka jingshah kem jong ki na ka liang ka Kashari ka la ai bor ia ki pulit ban kin set along 7 sngi ia kine ki arnut ki dkhot ka KSU khnang ba ki pulit kin dup lah ban pynlong ia ka jingthohkit kaba bniah.
U Bah Prestone Tynsong u ba long ruh ha ka juh ka por u Myntri ka tnad kam pohiing ka sorkar Jylla u la ong ba na ka liang ki Pulit ki la kem ia kine ki arngut bad ia mynta ka jingthohkit ka dang iaid shakhmat kumta na ka liang jong u um lah ban ai kano kano ka jingkynthoh tadhaduh ba kane ka jingthoh ka la poi sha ka ba kut.
U la ong ruh ba na ka liang jong ka sorkar ka phah ia ka khubor la ka long ia ki seng bhalang ki ba na poh ka Jylla ne ia ki seng bhalng ki bymdei na ka Jylla ba kim dei ban tampud namar ba ka don ka ain , u la ong ruh ba na liang ki bor ka ain ki la leh la ka jong ka bynta.
U bah Prestone u la kyrpad ruh ia ki sengbhalang ba kimdei ban dangtheh umphniang sharak halor kane ka jingjia namar na na ka liang ki bor ka ain ki la leh la ka jong ka bynta. U la ong ruh ba kimdei ban leh palat pud ia kaei kaba na ka liang ki bor ka ain ki la dep ban pruiddak
