Shillong, Naitung 8: u bah Himalaya Shangpliang Congress MLA na Mawsynram Konstitwnesi mynta ka sngi u la leit ban ai ia ka dorkhas sha u myntri rangbah ka jylla u Conrad K Sangma ban pynkynmaw ia u ha kaba ia dei bad ka jingdawa ki paidbah ban ioh ia ka Mawsynram Civil Sub Division hapoh jong ka East Khasi Hills District.
Ha ka jingthoh kaba la ai ha u myntri rangbah ka jylla ha kamra trei jong u mynta ka sngi u bah Himalaya u la thoh shai ba ka Mawsynram Konstitwensi ka dei ka jaka kaba la jngai na nongbah Shillong, nalor kata ka jingbym biang ki lyngti syngkieng kala buh ia ki paidbah ha ki jingeh.
Na ka liang jong u MLA u ka pynsngew ia ka jingangnud jong ki paidbah ban ioh ia ka Civil Sub Division Mawsynram khnang ban pynjan ia ka jingtrei kam jong ka sorkar sha ki paidbah ka dong bad ka thain Mawsynram, la pynkynmaw ba la dep ban ai shibun ki dorkhas sha ka sorkar ha kaba ia dei bad kane ka jingdawa Civil Sub Division ha Mawsynram.
Na ka liang jong u bah Himalaya u la ai khublei ia ku mytnri rangbah u ba la dep ban pynbna kyntiew ia ka Mairang Civil Sub Division sha ka District bad kane ka jingle ka long ban kyntiew ia ka roi ka par jong ka jylla baroh kawei.
