Jowai,Lber 24: Ngi na ka seng HNAM-EJH ngi ai ka jingiaroh kaba shi kat dei eh ia ka seng Jaintia Student Movement – Central Body ha ka jingiadei ba ka la lah ban sei madan ia u Kheinlang Dkhar u ba long u nongpyniap ia ka Daphishisha Kharsati , ka seng JSM kaba long ka seng kaba thymmai kaba dang lung hapoh ka Jylla jongngi , wat lada ka long kaba dang lung ruh hynrei ka la leh ia ki kam bah na ka bynta ban pynduhjait ia ki riew leh kam sniew , ngi kum ki nong ialam sengbhalang ngi iohi ia ki kam bah jongka , ngeit skhem ka buitrei kam jong kane ka seng kan long kaba khampher bad kaba iaineh.
Ngim lah khlem da pynpaw ka jingiaroh ia kane ka seng ki samla pule jong ka Jaintia Student Movement namar lada ym don kane ka seng katei ka samla kaba la shah pyniap bad latep iaka sha jaka khlaw la kum ba tep ia ki mrad ki mriang, leh se ki ba haing ha sem jong kane ka khynnah kim lap shuh iaka , namarkata ngi kum ki nongialam seng na ka liang jong ka HANM ngi sngew dei ban ai jingkhublei ia phi ki nong ialam jong ka JSM-CB bad ngi kyrkhu kyrdoh ia phi ba phi nang kiew irat ha ka jingshakri ia ki paitpah jong ka ri Jaintia bad iaka Jylla Meghalaya hi baroh kawei.
Ka jingshim ia ka jingim briew kalong ka ain kaba dei ban shim khia kumta ngi na ka seng HANM – East Jaintia Circle ngi kyntu iaka bor ka ain jong ka District Court ba ka dei ban pynngad ia u kheinlang Dkhar ha ka kyndon ain kaba pynrkhing lym kumta kiwei ki nong leh kam sniew kim salia lada ki ioh jamin suk.(SP NEWS)
