New Delhi, Rymphang 11: U Myntri Rangbah Duh, Narendra Modimynta ka sngi u la ai jingkren ha ka bynta kaba khatduh jong ka Lok Sabha kaba 17. Ha ka jingai jingkrenia ka iing dorbar thaw ain, u Myntri Rangbah Duh u la ong ba kane ka sngi ka long kaba kyrpang na ka bynta ka synsharpaidbah jong ka India.
U Myntri Rangbah Duh u la iarohia ki sienjam jong baroh ki Dkhot jong ka LokSabha ba 17 ha ka jingshim ia ki rai kiba kongsan bad ka jingialam lynti ia ka ri. U la ong ba kane ka dei ka sngi ba kyrpang ban aiti sha ka ri ia ka jingiaid lynti ha ka jingngeit na ka bynta ka bha ka miat jong ka.
“Ka JingwanrahJingkylla, Ka Jingtrei bad ka Jingpynkylla ka la dei ka jingngeit ha kine ki 5 snem ba la dep,” u la ong da kaba kdew ba lah ban iohiia kane ha kylleng ka ri mynta. U Myntri Rangbah Duh u la ong ba u ngeit skhem ba ki briew jong ka India kin bteng ban kyrkhuia ka LokSabha kaba 17 na ka bynta ki sienjam jong ka.
Ha ka jingkdew sha ki jingnoh synniang jong baroh ki dkhot jong ka Iing Dorbar Thaw Ain, u Modi u la ai jingsngewnguhia ki baroh khamtam u Speaker. U Myntri Rangbah Duh u la kren shaphang ka jingeh kaba heh tam kaba la ktah ia ki briew ha kane ka por kaba long ka khlamCovid.
U la ong ba la don ki jingpynkhreh ha ka Parliament bad ba ym shym la shah ia ki kam jong ka ri ba kin sangeh ha ka Iing Dorbar Thaw Ain. U la ai jingsngewnguh ruh ia ki dkhot kiba la kyntait ia ka SaansadNidhibad ka jingot 30% ka tulop jong ki ha ka por jong ka khlam. U la ai jingsngewnguh ruh ia u Speaker uba la weng ia ki canteen ba ai subsidy ia ki Dkhot kiba la wanrah ia ka jingkynthoh na ki briew.
U Myntri Rangbah Duh u la iarohia u Speaker uba la wanrah lang ia baroh ki dkhot sha kawei ka jingmut halor ka jingtei ia ka jaka treikam jong ka Iing Dorbar Thaw Ain Parliament kaba la ialam sha ka jingtei ia ka bad ka jingpynlong ia kane ka bynta ha kane ka jaka treikam kaba thymmai.
Ha ka jingkren shaphang u Sengol ba la buh ha ka jaka treikam ba thymmai, u Myntri Rangbah Duh u la ong ba kane ka dei ka dak jong ka jingshim biang ia ka jinghiar pateng jong ka India bad ka jingkynmaw ia ka por ba ioh ia ka jinglaitluid jong ka ri.
U la iaroh ruh ia ka rai jong u Speaker ban pynlong ia u Sengol kum shi bynta ka dustur ba man u snem bad u la ong ba kane kan pyniasoh ia ki pateng ban wan bad ka por ba ka India ka la ioh ia ka jinglaitluid bad kan long ruh kaba ai mynsiem.
U Myntri Rangbah Duh u la kdew sha ka jingai jingithuh na baroh kawei ka pyrthei ia ka G20 Summit Presidency ha kaba man ka jylla ka la pyni ia la ka bor na ka bynta ka ri. Kumjuh, ka P20 summit ka la kyntiew ia ka kyrdan jong ka India kum ka kmie jong ka synsharpaidbah.
U Myntri Rangbah u la kdew ruh sha ka jingkyntiew ia ki jingkynmaw burom ia ki riewkhraw sha ki prokram ha baroh kawei ka dri da kaba pynlong ia ki jingiakhuh ai jingkren bad thoh essay.
Ar ngut ki nongjopna man ka jylla ki wan sha Delhi ban kren shaphang u riewkhraw. U Modi u la ong ba kane ka la pyniasoh da ki lak ki khynnah pule bad ki rukom treikam ka Parliament jong ka ri. U Myntri Rangbah Duh u la kren ruh shaphang ki rai kiba bun ban plieia ka Parliament Library ban pyndonkam ki briew paidbah.
U Modi u la kren shaphang ka paperless Parliament bad ka jingpyntreikam ia ka digital teknoloji ba la wanrah da u Speaker bad u la ai jingsngewnguh ia u na ka bynta kane.
U la ong ba ka dei ka jingiatrei lang jong baroh ki dkhot bad ka jingtbit jong u Speaker kaba la pynlong ba ka LokSabha kaba 17 ka la long kaba seisoh 97%. U Myntri Rangbah Duh u la kyntu ia ki dkhot ban kyntiew ia kane sha ka 100% ha ka LokSabha kaba 18.
U la ai jingsngewnguhia ki dkhot kiba la pynkylla ia ka Azadi ka AmritMahotsav sha ka jingiakhih jong ki briew ha ki konstituensi jong ki. Shuh shuh u snem ba 75 jong ka RitiSynshar ruh ka la ai mynsiemia baroh.
U Myntri Rangbah Dong ba ka nongrim kaba khlain jong ka India mynta ka long kaba paw lyngba ki jingpynkylla ha kane ka por. “Ngi lah ban ong ba ki bun ki kam ba ki pateng ki la ap da ki spah snem ki la urlong ha ka LokSabha kaba 17,” u la ong. “Lyngba ka jingweng ia ka Article 370, mynta ka jingkut jingmut jong ngi na ka bynta ka hok ha ka imlang sahlang ka la poi sha kibriew jong ka Jammu & Kashmir”, u la ong.
Ha ka jingkren shaphang ki kam pyntriem, u Myntri Rangbah Duh u la ong ba ka Iing Dorbar Thaw Ain ka la wanrah ia ki ain kiba khlain kiba la pynkhlain ia ka jingialeh pyrshah kine ki kam. Kane ka la pynshngain shuh shuh ruh ia kito kiba ialeh pyrshah ia ki kam pyntriem bad khlem pep, ngin lah ban pynduhjait ia ki kam pyntriem.
“Ngi lah ban ong mynta ba kane ka ri ka la im hapoh ka Penal Code haduh 75 snem hynrei mynta ngi im hapoh ka NyaySamhita,” la ong u Myntri Rangbah Duh ha ka jingkren shaphang ki ain ba thymmai.
U Myntri Rangbah Duh u la ai jingsngewnguh ruh ia u Speaker uba la sdang ia ka jingtreikam ha ka Iing Dorbar kaba thymmai da kaba ai jingmynjur ia ka Nari Shakti VandanAdhiniyam.
U la ong ba lyngba kane, ka iing dorbar kan dap da ki longkmie ba long dkhot ha ki por ban wan. U la kren ruh shaphang ka jingweng ia ka TrippleTalaq ha ka LokSabha kaba 17 kaba la pynthikna ia ka hok jong ki longkmie.
Ha ka jingkren shaphang ka jingkongsan jong kine ki 25 snem ban wan, u Myntri Rangbah Duh u la ong ba ka ri ka la kut jingmut ban pynurlong ia ki jingthrang jong ka. Ha ka jingkren shaphang ka Salt Satyagraha ba la sdang ha u 1930 da u Mahatma Gandhi bad ka Swadeshi Andolan.
U Myntri Rangbah Duh u la ong ba phewse kine kim shym la long kiba khraw haduhkattakatta ha kito ki por hynrei ki la buh ia ka nongrimna ka bynta ki 25 snem ba wan kaba la ialam sha ka jinglaitluid jong ka ri ha u 1947. U la ong ba kane ka dei ka juh ka jingsngew mynta ha ka ri haba ki briew ki la kut jingmut ban pynkylla ia ka India sha ka ri kaba la kiewshaphrangshuwa u 2047.
Ha kaba iadei bad ki ain na ka bynta ki samla, u Myntri Raqngbah Duh u la kdew sha ka in pyrshah ka jinglaittuh ki kot jingkylli. U Myntri Rangbah Duh u la ban jur halor ka jingdonkam ia ka jingwad bniah bad ka jingkongsan jong ka National Research Foundation Act.
Da kaba kdew ba ki jingdonkam ha ka pyrthei ki la kylla mynta, u Myntri Rangbah Duh u la kdew sha ka jingkongsan jong ka data. U la ong ba ka jingwanrahia ka Digital Personal Data Protection Act ka la iada ia ka data shimet jong ki briew bad ba ka pyrthei baroh kawei ka peit ia kane ka ain.
Ha kaba iadei bad ki bynta ba thymmai jong ka jingshngain, u Myntri Rangbah Duh u la kren shaphang ka jingshngain ha ki duriaw, ka haw haw bad ki kam cyber. “Ngi dei ban tei ia ka bor ha kine ki kam bad don ka bor ban ialeh pyrshah ia ki jingeh kiba lah ban mih,” u la ong.
Ha kaba iadei bad ki jingpynkylla ha ki kam ka ioh ka kot hapoh ka LokSabha kaba 17, u Myntri Rangbah Duh u la pyntip ba la weng ia ki hajar tylli ki kamram ba hap pyndep khnang ban pynsuk a ka jingim jong ki briew. U la ong ba ka bor treikam jong kanokano ka Sorkar ka kiew bha haba ka pynduna ia ka jingtuklar palat ha ka jingim jong ki briew.
U Myntri Rangbah Duh u la ong ba la weng palat 60 tylli ki ain ki bym iahap shuh. Kane ka la long kaba donkam ban pynsuk ia ki kam khaii pateng, u la ong.
U la ban jur ruh halor ka jingdonkam ban shaniah ia ki paidbah. U la ong ba ka Jan Vishwas Act ka la weng ia ka jinglong beain ia 180 tylli ki kam. Ka Mediation Act ka la iarap ban weng ia ki kam jingbishar bym donkam.
U Myntri Rangbah Duh u la ai jingiarohia ki Dkhot ka Iing Dorbar kiba la wanrah ia ka Ain na ka bynta ki transgender.
U Myntri Rangbah Duh u la ong ruh ba u pang mynsiem haba u kynmawia ki Dkhot kiba la duh ia ka jingim ha ka khlamCovid kaba la ktah ia ka Iing Dorbar jan 2 snem.
“Ka jingiaid lynti ka synsharpaidbah jong ka India ka dei kaba iaineh bad ka ri ka don ka jingkut jingmut ban ai jingshakri ia baroh ki briew,” la ong u Myntri Rangbah Duh bad u la kdew sha ka jingpdiang ka pyrthei ia ka rukom im ha India. U la kyntu ia ki Dkhot ban rah shakhmat ia kane.
Ha kaba iadei bad ki elekshon ban long, u Myntri Rangbah Duh u la ong ba ki elekshon ki long kiba donkam ha ka synsharpaidbah. “Nga ngeit skhem ba ki elekshon kin long katkum ka jingkhraw jong ka synsharpaidbah jong ngi,” u la ong.
U Myntri Rangbah Duh u la ai jingsngewnguhia baroh ki Dkhot jong ka Iing Dorbar na ka bynta ki jingnoh synniang jong ki ha ka jingtreikam jong ka LokSabha kaba 17.
Ha kaba iadei bad ka resolution kaba iadei bad ka Ram Temple mynta ka sngi, u Myntri Rangbah Duh u la ong ba kane kanaibor ia ki pateng ban wan. U la ong ba kane ka resolution ka don ka ‘Samvedna’, ‘Sankalp’ bad ‘Sahanubhuti’ ha ryngkat ka jingngeit ha ka ‘SabkaSaathSabkaVikas’.
Ha ka jingpynkut ia ka jingai jingkren jong u, u Myntri Rangbah Duh u la ong ba ka Parliament kan bteng ban ai mynsiem ia ki dkhot jong ka ba kin trei ban pynurlong ia ki jingangnud jong ki pateng ban wan da ka jingiatreilang jong baroh ki Dkhot jong kane ka Iing Dorbar Thaw Ain.
