Shillong, Nailur 11: Ka Workers Power jong ka Megahalaya (WPM) ka ai ia ka jingkyrshan bad ka jingkitbok ia ka jingdawa jong ki nongtrei-nongbylla kiba dei hapoh ka Ri-Bhoi Progressive Health Casual Workers Union.
Ka Seng Workers Power ka iaia ban ba lah dei por ba ia ki nongtrei-nongbylla kiba dei ki casual, contractual bad kumta ter ter dei ban ithuh bad ban ai ia ki juh ki hok kiba ki nongtrei Regular ki ioh.
Ka Workers Power ka iai dawa ba ki jaka trei baroh ki dei ban pyntreikam ia ka Equal Pay for Equal Work kat kum ka hukum jong ka Supreme Court bad ki High Courts bad ruh ban buh bad thaw ia ki polisi ban pynkiew kam bad ban kyntiew kyrdan.
Ka seng ka dawa ruh ban pynkiew ia ka tulop jong ki nongtrei-nongbylla ha jylla Meghalaya khnang ba baroh kin ioh im ka jingim kaba iahap bad ka jinglut-jingsep kum ka pyrthei rem mynta, la ong u bah Kenneth Swer General Secretary ka WPM.
