Shillong, Nailur 28: Ha ka jingialang kaba la long bad u myntri rangbah ka jylla ban ia kren halor ki bynta kiba ka sorkar pdeng ka kwah ban wanrah ia ka jingpynkylla ia ka Khyrngit kaba hynriew jong ka riti synshar ka Ri India u CEM jong ka KHADC u la ai jingmut ba ia ka jylla Meghalaya baroh kawei dei ban pynlong noh ka jaka jong ki riewlum.
Ia kane ka jingai jingmut u CEM jong ka KHADC kala paw ha ka bynta kaba san, ha kaba la thoh ba ka KHADC ka sngewbha ban kyrpad ba ia ka jylla Meghalaya baroh kawei dei ban pynlong noh ka jaka jong ki riewlum bad ia ki jaka kiba la tip kum ka “Shillong Normal Area” dei ban pynhap hap hapoh jong ka jingpeit ka KHADC.
