Shillong, Naiwieng 27: Mynta ka sngi U President ka BJP Meghalaya u Rikman Momin, u la pynbna ïa ki nongïalam ba ha khlieh jong ka BJP na Delhi kila mynjur ia ki nongkit kam ba thymmai jong ka BJP ha ka jylla.
Ka Executive Committee ba thymmai jong ka BJP Meghalaya ka kynthup ia hynriew ngut ki State Vice Presidents, u Bernard Marak (Tura City), Khrawboklang Basaiawmoit (East Khasi Hills), Dipul R Marak (South West Garo Hills), Gagan Jain (Shillong City), and Riya Sangma (Ri-Bhoi District).
Shuh shuh u la bynrap da kaba iathuh ba ha Meghalaya kin don ruh ki State General Secretaries kata u Dr. Evarist Myrsing bad u bah Lakhon Biam. Ka Executive Committee ka kynthup ruh ia HYNRIEW ngut ki State Secretaries.
U bah Hakabiang Lyngdoh (West Jaintia Hills), Bernadette Lyngdoh (East Khasi Hills), Adamkid Sangma (Tura City), Brivia Thabah (East Khasi Hills), Premananda Koch (South West Garo Hills), bad u Bipen Pradhan (Shillong City).
Na ka liang u President ka BJP u la iathuh ka thong jong ka seng ka long ban pynkhlaiñ shuh shuh ia ka seng da ka jingïatreilang bad ki nongkitkam jong ki District bad ki unit bapher bapher.
