Shillong, Iaiong 28: Ka ophis jong ka Shillong Municipal Board kala aisa da ki number ia ki nongshong die madan ha kane ka nongbah Shillong ha ki ja ka ba dei hapoh jong ka Municipal.
Katkum ki lat khubor kiba la ioh la ong ba ka jingai number ka long 1 haduh 3, ka ba mut ba kin ioh shong madan lai sngi ha ka shitaiew, ia ki number la dep bam sam sha ki nongdie madan ha kane ka nongbah Shillong khatam ha thain ba marjan bad ka iewduh.
Katkum ka jingiathuh jong ki katto katne ki nongshong madan ki pynsngew ba kane ka jingleh ka SMB ka long ka biang ban lait na ka jingkhap ngiah bad ban lah ban bud ia ki kyndon ba buh ka sorkar.
