Shillong, Jylliew 18: Haba ngi phai dien Sha kine ki ar bnai tam ba la iaid ka lockdown bad ka jingia
khun ban tehlakam ia ka jingpur u corona virus ngim lah ban Len ba ngi kum ka Jaidbynriew ngi la mat shibun ki jingeh .Ki la bun bah kiba la treishitom na bynta kane . Ngi ai khublei ia baroh kiba la treishitom met bad mynsiem .
“Ngi ai khublei nyngkong eh ia ki doctor , ki nurse bad baroh ki nongsumar ia ki nongpang. Phi la dei ki Shipai Iada Ri. Ngi ai khublei ia ki briew kiba peit ia ka khuid ka suba phi ruh phi la treishitom na bynta baroh. Ngi ai khublei ia ki nongpynbit pynbiang ia ka lockdown kiba dei ki nongtrei sorkar baroh kum ki pulit , ki nongtrei ha ki DC, SDO civil , C& RD Block , Bank , DIPR bad iabaroh”.
Ka seng HYC kam lah ban khlem da ai khublei ia ka sorkar naduh u CM , Dy CM, ki minister baroh bad ia ki MLA . Kumjuh ruh ia ki MDC , kila sei la ka bor ban ia Tynrong lem ia ki jingeh ki Khun ka Ri. Ka khublei ia ki Dorbar shnong, ki sengbhalang , ki niam bad ia baroh ki Riewshimet kiba la treishitom ban ia Tynrong lem ia ka lyngkor ba khia Jong ka Jaidbynriew.
Ka seng ka ai khublei ia ki lat pathai khubur khubor, kiba la khein duh khlem salia ban pyntikna ba ki paidbah baroh kin ioh ki jingtip bad ki khubor ba tikna .Bad ka khublei kyrpang ia briew kiba la mat ia ki jingeh na kane ka thma pyrshah khlam COVID-19.
Kiba bun kiba kyrduh , ki Khun swet bad ki riew kynthei kiba ba la mat jingeh . Don lehse phi la thiah tyrsaw bun tylli ki miet khlem bam , wat la Katta ruh phi la ia treilang ban pyntikna ba ka Jaidbynriew kan lait na ka khlam . Ki wei ki la kheinduh ioh ki bit jingpang , phi te phi la kheinduh ioh iap tyrsaw .
Ka seng ka ong ba hooid ki don ki jingiapher jingmut, ki la don ki jingduna , ki la don ki jingeh bad ki jingdkhoh na ka Liang ka sorkar . Wat la Katta ngi ngeit ba ki dei ki jingduna Jong ngi kum ki briew ym ka jingleh khnang lane da ka jingmutsniew ka buit poh rati.
Ka seng HYC ka la ong ba la ia mat jingeh lang baroh , ki la iakhun lang baroh bad ki la iarap markylliang ha kine ki sngi . La ia duwai markylliang bad ia ai mynsiem, to ban nym duh mynsiem mynta sa shiwat . Ka seng ka kyntu ban ia treilang ban jop ia kane ka khlam, la ong u bah Robert June Kharjahrin President ka seng.
