Shillong, Naitung 30: U myntri ba dei peit ia ka tnad ki nong bylla u bah Sanbor Shullai u la ong ba yn sa bishar bha halor ka skim ka ba iadei bad ka jingai jingiarap ia ki nongtrei bylla bad ban pynthikna ruh ba baroh ki nongbylla ki ba dei hok ban ioh jingiarap ki dei ban ioh ia kane ka pisa.
U bah Shullai u la ai khublei ia u myntri rangbah ka jylla u Conrad K Sangma u ba la bynshed ha u ia ki kam kiba ioh ban bat mynta la ong ba un sa shong ban peit bniah namar ka tnad ba dei peit ia ki nongbylla ka ei kaba don kam tam.
U bah Sanbor u la ong ba un sa khot ia ki ophiser ha ka sngi nyngkong bad ngan sa bishar bha halor kane ka skim khnang ban lah ban pyllait noh ia ka pisa ia kito ki nongbylla ki ba dei hok ban ioh ia kane ka pisa”la ong u bah Sanbor ia ki lad pathai khubor.
Haka juh ka por u la ong ba un sa bishar bniah ia ka jingdaw ka kong Angela Rngad bad haba ki nong bylla ki donhok kin sa ioh ia kane ka pisa, la ong ruh ba u da kmen ban ioh ban peit ia kane ka tnad ki nong bylla kaba dei bad ki paidbah.
