Ai khusnam ka Ramakrishna Mission ia ki 214 ngut ki samla kiba jop ha ki jingpule

Shillong, Nailar Ka jingialang ban sam ia ki khusnam jong ka 48th Annual Cultural Competition ka dei kaba la pynlong ha ka 20 tarik u Nailar ha ka por 3 baje nohphaisngi ha Ramakrishna Mission Vivekananda Cultural Centre, Quinton Road, Shillong ha kaba 214 ngut kiba la jop ia ki khusnam na ki jaka pule bapher bapher kiba don ha nongbah Shillong bad ki jaka kiba jan ia ka nongbah ki la ioh ban pdiang ia ki khusnam ha kane ka sngi.

Ka Ramakrishna Mission, Shillong ka la pynlong ia kane ka jingiakhun mynta la 48 snem na ka bynta kito kiba don sap da kaba ai ia ki, ka rynsan ban pyni ia kane ka sap. Ki la don palat 2 hajar ngut ki briew kiba la pynrung kyrteng na ki 47 tylli ki jaka pule kiba don hapoh bad hajan kane ka nongbah bad kumba 1500 ngut ki khynnah pule ki la iashim bynta ha kane ka jingiakhun.

U kongsan ha kane ka sngi, u Rudi Warjri, Ambassador ba la shongthait na ka kam, u la ai jingiaroh ia kane ka centre kaba la pynlong ia kane ka jingiakhun kaba heh bha bad kaba la long la 48 snem mynta. U la ong ba ka jingim kaba khuid ka long kaba khlain bha ha India ha ka por ba ka dang khlain ka jingsynshar ki mynder ia ka ri bad kane ka long namar u Swami Vivekananda.

U Swami Samachittanandaji Maharaj, uba long u President ka Ramakrishna Mission, Singapore u la ai jingkren ha kane ka sngi ha kaba u la batai shaphang ka jingdonkam jong ka niam, ka jingiadei hapdeng ki briew, ka jingnang jingstad bad ka kolshor ha ka jingim jong ki briew.

U la ong ruh ba ka long kaba donkam ban nang ia la ka ktien tynrai ha ryngkat ka ktien phareng. Ka ktien tynrai ka dei kaba ngi nang la ka nang, kaba pyni ia ki dak jong ka kolshor bad ka dei ruh ka ktien ba ngi pyndonkam ban iakren bad u Blei.

Hashuwa kane baroh, u Swami Hitakamanandaji Maharaj u la pdiang burom ia baroh kiba la wan iashim bynta ha kane ka prokram sam khusnam bad u Swami Divyaswarupananda Maharaj u la ai ka jingkren sngewnguh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet