Jowai, Iaiong 03: Ki nongialam ba ha khmat jong ka Thain Elaka Narpuh,naduh u Doloi,MDC ka thain u bah D.Pohshna, Rangbah shnong Umkiang bad kiwei kiwei ki riewpaw khmat ka Elaka ki la leit ban ia kynduh ia u DC jong ka East Jaintia Hills District ban ai por ia u tang hapoh 10 sngi ban maramot ia u surok NH-44 naduh Sonapyrdi shaduh Malidor.
Kane ka jingleit ia kynduh jong kine ki rangbah ia u DC ka long ba kim lah shuh ban sngap ia ka jingud ki paidbah namar ka jingsniew palat pud ka surok.Ka jingshah lehbein ka thain ka long shaba palat,’ong u President ka seng,Bah Syrosse Lamare.
Ka jingsniew palat u surok ka long naduh Sonapyrdi ter ter shaduh Malidor,bad naduh Sonapyrdi shaduh Mynkre don ki jaka jaka ba sniew ka surok haduh bymnud iaid shuh ki kali. Ka KSU Narpuh Circle ka ai ka jingkyrsha lem ia ki nongialam rangbah jong ka thain,la pynkut u kyrwoh.(SP News)
