Shillong, Naitung 04: Ka High Level Committee (HLC) kaba la shong mynta ka sngi ban ia kren halor ka kam Themiew Mawlong ha dien ba la ioh ia ka rai jong ka iing bishar na ka High Court jong ka jy
lla Meghalaya, kala shim ia ka rai ban ai por biang sa shibnai ia kito baroh kiba shnong ha Thewiew Mawlong ba kin pynpoi ia ki kot jaka sha ka Shillong Municipal Board.
Haba kren ha ki lad pathai khubor na ka liang jong u Deputy Chief Minister ka jylla u Bah Prestone Tynsong, u la iathuh ba kane ka jingai por sa shibnai ia kito kiba shong ha Themiew Mawlong ka long ha dien ba la ioh ia ka rai na ka iing bishar jong ka High Court jong ka jylla Meghalaya, la ong u Chairman ka HLC.
Lah ban pynkynmaw ba na ka liang jong ka HLC kala dep ban sam ia ki jingpyntip sha baroh ki 300 tam ki nongshong ha katei ka jaka bad la ai por ia ki ba kin jubab hapoh ka shibnai bad kane kala kut ha ka 03 tarik mynta u Natiung. Hynrei na ka liang jong kito kiba shong ha katei ka jaka kim shym la don ba leit ban ai jingtip sha ka SMB katkum ka jingpyntip kaba la ai.
