Ai por ki nonghikai SSA 16 sngi ia ka sorkar ba pynurlong ia ki jingdawa lem kumta kin iakhih

Shillong, Nailur 14: U President  ka seng Meghalaya SSA School Teachers Association u bah Aristotle Rymbai u la ong ba ka seng ka ai por ia ka sorkar 16 sngi kata haduh ba kut mynta u Nailur ban pynurlong ia ki jingdawa ka seng lem kumta kin sdang ia ka jingiakhih jong ki ha u bnai Risaw.

Haba kren ha ki para nonghikai haba pynlong ia ka jingiakhih shong kyllain mungor mynta ka sngi ha Madan Maliki la ong ba lada ka sorkar kam ai ia ka jingdawa ha u bnai Roisaw kin shim shuti lut baroh ki 12541 ngut ki nonghikai ha ka jylla baroh kawei.

Ka jingdawa ki nonghikai SSA ka long ba ka sorkar ka dei ban shimti noh ia ki nonghikai SSA sha ka tnad pule puthi jong ka jylla, kawei pat ka long ba ka sorkar ka dei ban pynkiew noh ia ka tulop jong ki ia kaba la pynkiew khatduh ha u snem 2016.

Ki nonghikai SSA kila buh ia kine ki jingdawa naduh ki por ba mynshuwa bad kum juh ha kane ka sorkar MDA kaba mynta kaba la kot lai snem tam, na ka jingiakren kane ka sorkar MDA kala ai jingkular hynrei haba wat ia ki phail pat ka long ba lyngoh ba la kyntait ia ka jingdawa jong ki.

Ki nonghikai SSA ki dawa na ka sorkar ba dei ban pynlait ia ka tulop jong ki  kaba dang sah lai bnai, u president ka seng ki nonghikai SSA u la buh ka jingkylli katno kane ka sorkar MDA kala mang pisa ha ka mang tyngka  na ka bynta ki nonghikai SSA katkum ka RTE Act bad ka RTE Rule 2011.

Ha ka jingkren jong u bah R L Nonglait general secretary ka seng  ki nonghikai SSA la ong ba ha kine ki lai snem tam kila ai ka jingiatreilang bad ka sorkar MDA hynrei mynta kim lah shuh ban shu sngap dei na kane ka daw ba ki sa mih madan ban ia khih ban pynsngew sha ka sorkar jylla.

Ha kane ka sngi kiba la wan ban ia shim bynta ha kane ka jingiakhih ki long tang ki nongialam na kylleng ka jylla Meghalaya kiba la iapoi sha Madan Malki ban pynpaw ia ka jingsngewsih halor kane ka jingshah leh bym suidniew ha ka sorkar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet